ଦାରିଙ୍ଗବାଡି,୨୭/୯(ତରଣୀ ସାହୁ): ଦାରିଙ୍ଗବାଡି ବ୍ଲକ ସିର୍କାବର୍ଗ କ୍ଲଷ୍ଟର ପକ୍ଷରୁ ସିର୍କାବର୍ଗ ହାଇସ୍କୁଲ ଠାରେ କ୍ଳଷ୍ଟର ସ୍ତରୀୟ ଶିଶୁ ମହୋତ୍ସବ ସୁରଭି କାର୍ଯ୍ୟକ୍ରମ ଅନୁଷ୍ଟିତ ହୋଇ ଯାଇଛି । ସିଆରସିସି ସନିଆ ପ୍ରଧାନ ଙ୍କ ତତ୍ୱାବଧାନ କ୍ରମେ ମୁଖ୍ୟ ଅତିଥି ସିର୍କାବର୍ଗ ସରପଞ୍ଚ ଚିରଞ୍ଜିବୀ ପ୍ରଧାନ ଯୋଗ ଦେଇଥିବା ବେଳେ ଅତିଥି ଭାବେ ପ୍ରଧାନ ଶିକ୍ଷକ ଲକ୍ଷ୍ମୀଧର ସିଂ, ସ୍କୁଲ ସଭାପତି ମନୋଜ ପ୍ରଧାନ ଯୋଗ ଦେଇଥିଲେ । ସେହିପରି ସିମନବାଡ଼ି ହାଇସ୍କୁଲ ଠାରେ କ୍ଳଷ୍ଟର ସ୍ତରୀୟ ଶିଶୁ ମହୋତ୍ସବ ସୁରଭି କାର୍ଯ୍ୟକ୍ରମ ଅନୁଷ୍ଟିତ ହୋଇଥିଲା । ସିଆରସିସି ବନ୍ଧୁରାଜ ଉଠାନ ସିଂ ଙ୍କ ତତ୍ୱାବଧାନ କ୍ରମେ ମୁଖ୍ୟ ଅତିଥି ଭାବେ ସରପଞ୍ଚ ଅମିତା ପ୍ରଧାନ ଯୋଗ ଦେଇଥିବା ବେଳେ ପ୍ରଧାନ ଶିକ୍ଷକ ଶିଶିର ପଟ୍ଟନାୟକ ଉପସ୍ଥିତ ଥିଲେ । ଉକ୍ତ କାର୍ଯ୍ୟକ୍ରମରେ ଶିଶୁ ମାନଙ୍କୁ ନେଇ ନାଚ, ଗୀତ, ବତୃକ୍ତା, ଚିତ୍ରାଙ୍କନ ଭଳି ଅନେକ ପ୍ରତିଯୋଗୀତା ହୋଇଥିଲା । ଏହି ପ୍ରତିଯୋଗିତାରେ ଯେଉଁ ମାନେ କୃତିତ୍ୱ ହାସଲ କରିଛନ୍ତି ସେମାନେ ବ୍ଲକ ସ୍ତରୀୟ କାର୍ଯ୍ୟକ୍ରମ ରେ ଅଂଶଗ୍ରହଣ କରିବେ ।
