ଢେଙ୍କାନାଳ,୧୫.୦୮(ଶୁଭମ ପାଣି):ଢେଙ୍କାନାଳ ଜିଲ୍ଲା ବନ୍ଧୁକଧାରୀ କଲ୍ୟାଣ ସଂଘ ତରଫରୁ ୭୮ ତମ ସ୍ଵାଧୀନତା ଦିବସ ଭଗବାନ ପୁର ସଂଘ କାର୍ଯ୍ୟାଳୟ ଠାରେ ପାଳନ କରାଯାଇଥିଲା। ସଂଘ ର ସଭାପତି କମଳ କୁମାର ମିଶ୍ରଙ୍କ ନେତୃତ୍ଵରେ ଆଜିର ଅତିଥି ସାମାଜିକ କର୍ମୀ ଶ୍ରୀଯୁକ୍ତ ବିନାୟକ ପ୍ରସାଦ ଶତପଥୀ ପତାକା ଉତ୍ତୋଳନ କରିଥିଲେ ଏବଂ ସାମ୍ବାଦିକ ତଥା ଶ୍ରମିକ ନେତା, ଆଇନଜୀବୀ ବସନ୍ତ ପଟ୍ଟନାୟକ ଉପସ୍ଥିତ ଥିଲେ। ସମ୍ମାନିତ ଅତିଥି ଭାବରେ ମାଟିଭାଷାର ସମ୍ପାଦକ ଶ୍ରୀଯୁକ୍ତ ଜେନାମଣି ଦିଲ୍ଲୀପ କୁମାର ରାୟ , ସଂଘର ସମ୍ପାଦକ ଗିରୀଶ ଚନ୍ଦ୍ର ମାହାଳିକ,କୋଷାଧ୍ୟକ୍ଷ ସୁରେଶ କୁମାର ବ୍ରହ୍ମ ଓ ଉପସଭାପତି କୁମୁଦ କୁମାର ସାହୁ,ତୋଫାନ ସାହୁ,ସହ ସମ୍ପାଦକ ମହେଶ୍ଵର ସାମଲ ଓ ରଶ୍ମିରଞ୍ଜନ ଦଲେଇ ଏବଂ ସଂଘର ସମସ୍ତ ସଦସ୍ୟ ମାନେ ସହଯୋଗ କରିଥିଲେ। ଆଜି ତାରିଖ ପଯ୍ୟନ୍ତ କୌଣସି ଜିଲ୍ଲାରେ ଏଭଳି ସଂଘ ପଞ୍ଜିକରଣ ନ ହୋଇଥିବା ବେଳେ ଢେଙ୍କାନାଳ ଜିଲ୍ଲା ବନ୍ଧୁକଧାରି ସଂଘ ପଞ୍ଜୀକୃତ ହୋଇଥିବାରୁ ଉପସ୍ଥିତ ଥିବା ସଦସ୍ୟ ବୃନ୍ଦ ଢେଙ୍କାନାଳ ଜିଲ୍ଲା ପ୍ରଶାସନକୁ ଧନ୍ୟବାଦ୍ ଦେବା ସହିତ ଶୁଭେଚ୍ଛା ଜଣାଇଥିଲେ । ପତାକା ଉତ୍ତୋଳନ କାର୍ଯ୍ୟକ୍ରମ ପରେ ଢେଙ୍କାନାଳର ଆରାଧ୍ୟ ଦେବତା ଶ୍ରୀ ଶ୍ରୀ ବଳଦେବ ଜୀଉଙ୍କ ମନ୍ଦିର ପ୍ରାଙ୍ଗଣରେ ତୁଳସୀ ବୃକ୍ଷ ରୋପଣ କରାଯାଇଥିଲା । ସଂଘର ସମସ୍ତ ସଦସ୍ୟ ମାନେ ମହାପ୍ରଭୁଙ୍କ ଦର୍ଶନ କରି ପ୍ରସାଦ ପାଇ ଆନନ୍ଦର ସହିତ ପ୍ରତ୍ୟାବର୍ତ୍ତନ କରିଥିଲେ ।
