ଢେଙ୍କାନାଳ,୨୪.୦୪(ଶୁଭମ ପାଣି): ଢେଙ୍କାନାଳ ପି.ଡବ୍ଲୁ.ଡି. କଲୋନୀ ଠାରେ ଶ୍ରୀ ସତ୍ୟ ସାଇ ସେବା ସମିତି ଆନୁକୂଲ୍ୟରେ, ଭଗବାନ ଶ୍ରୀ ସତ୍ୟସାଇ ବାବାଙ୍କ ପବିତ୍ର ଆରାଧନା ମହୋତ୍ସବ ଅବସରରେ ଅଦ୍ୟ ବୁଧବାର ଏକ ଗ୍ରୀଷ୍ମକାଳୀନ ରକ୍ତଦାନ ଶିବିର ‘ଅମୃତ ବିନ୍ଦୁ’ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଉକ୍ତ ଶିବିରକୁ ସମିତି ଆବାହକ ଜ୍ୟୋତି ପ୍ରଜ୍ବଳନ କରି ଶୁଭାରମ୍ଭ କରିଥିଲେ । ଉକ୍ତ ଶିବିରରେ ୧୨ ୟୁନିଟି ରକ୍ତ ସଂଗ୍ରହ କରାଯାଇଥୁଲା । ଉକ୍ତ ଶିବିରକୁ ସମିତି ଆବାହକ ବିଶ୍ୱଜିତ୍ ନାୟ. ସମିତି ସେବାଦଳ ସଂଯୋଜକ ସୁବ୍ରତ କୁମାର ପ୍ରଧାନ ଓ ସମିତି ଯୁବ ସଂଯୋଜକ ପ୍ରଶାନ୍ତ ନାୟକ ପରିଚାଳନା କରିଥିଲେ । ଉକ୍ତ ଶିବିରରେ ସେବାଦଳ ଭାଇ ପ୍ରେମାନନ୍ଦ ସାହୁ, ଅଭୟ କୁମାର ରାଉତ, ଶତୃଘ୍ନ ମାଟି, ସଂଜୟ ପ୍ରସାଦ, ମାୟାଧର ସେଠୀ, ବ୍ରଜବନ୍ଧୁ ଚିନରା, ବିରଂଚି ନାରାୟଣ ନାଥ ଓ ଭଉଣୀ ପ୍ରଭାତି ଶରଣ, ସର୍ଶଲତା ମାଟି, ସଂଧ୍ୟାରାଣୀ ମିଶ୍ର, ସୁଚିତ୍ରା ବେହେରା, କାମଳିନୀ ସେଠୀ ଉପସ୍ଥିତ ରହି ଶିବିର ପରିଚାଳନାରେ ସମ୍ପୂର୍ଣ ସହଯୋଗ କରିଥିଲେ । ଢେଙ୍କାନାଳ ରକ୍ତ ଭଣ୍ଡାରର ଡା. ପ୍ରମୋଦ କୁମାର ମହାଳିକ, ପରମାନନ୍ଦ ପଣ୍ଡା, ଅଜୟ କୁମାର ସାଇଁ, ତପନ କୁମାର ଜେନା, ନଳିନୀ ପ୍ରଭା ରାଉତ ପ୍ରମୁଖ ଉପସ୍ଥିତ ରହି ରକ୍ତଦାତାଙ୍କ ଠାରୁ ରକ୍ତ ସଂଗ୍ରହ କରି ଶିବିରକୁ ସୁନ୍ଦର ଭାବେ ପରିଚାଳନା କରିଥିଲେ ଏବଂ ରକ୍ତଦାତାଙ୍କୁ ସାର୍ଟିଫିକେଟ୍ ପ୍ରଦାନ କରିଥିଲେ । ଭଗବାନଙ୍କ ଅସୀମ କୃପାରୁ ରକ୍ତଦାନ ଶିବିରଟି ସୁନ୍ଦର ଭାବେ ସମାହିତ ହୋଇଥିଲା ।
