ରାୟଗଡ଼ା,୧୩.୦୪(ଅମୁଲ୍ୟ ନିଶଙ୍କ):ନିଜ ପୈତୃକ ଗ୍ରାମ ରୁ ନିର୍ବାଚନ ପ୍ରଚାର ଆରମ୍ଭ କରିଲେ ଶ୍ରୀମତି.ଅନୁସୟା ମାଝୀ।କୁଚେଇ ପଦର ପହଞ୍ଚି ଇଷ୍ଟଦେବୀ ଏଵଂ ଗ୍ରାମ ଚିତାଗୁଡ଼ି ଦେବୀଙ୍କ ପୂଜାର୍ଚ୍ଚନା ପରେ ଘର ଘର ବୁଲି ପ୍ରଚାର ଆରମ୍ଭ କରିଛନ୍ତି।ଅନୁସୟା ମାଝି ଆମ ଗ୍ରାମର ଝିଅ ଆଜି ବିଜେଡ଼ି ଦଳ ପକ୍ଷରୁ ବିଧାୟକ ପ୍ରାର୍ଥୀ ହୋଇଥିବାରୁ ଆମେ ବହୁତ ଖୁସି ସଂପୂର୍ଣ୍ଣ ଗ୍ରାମ ପଞ୍ଚାୟତ ଏବଂ କାଶିପୁର ବ୍ଲକର ମଧ୍ୟ ପ୍ରବଳ ଜନ ସମର୍ଥନ ରହିବ ବୋଲି ଗ୍ରାମବାସୀ କହିଛନ୍ତି। ଆଜିର ଏହି ପ୍ରଚାର ଆରମ୍ଭରେ ସରପଞ୍ଚ ବାଙ୍ଗାରି ମାଝୀଙ୍କ ସମେତ ଅନ୍ୟ ୧୬ଟି ପଞ୍ଚାୟତର ସରପଞ୍ଚ ଏଵଂ ଜନ ପ୍ରତିନିଧି ମଧ୍ୟ ପ୍ରଚାରରେ ସାମିଲ୍ ଥିଲେ।କାଶିପୁର ବ୍ଲକ କାଳିଆ ପଡ଼ା,ଟିକିରି, ବିଲମାଳ ଗାଁ’ରେ ପ୍ରଚାର କରିଥିବା ବେଳେ ବିପୁଳ ଜନ ସମର୍ଥନ ଦେଖିବା ପାଇଁ ମିଳିଛି। ସୂଚନା ଯୋଗ୍ୟ ରାୟଗଡା ଆସନ ଲାଗି ବିଜେଡ଼ି ଓ କଂଗ୍ରେସ୍ ପକ୍ଷରୁ ପ୍ରାର୍ଥୀ ଘୋଷଣା ହୋଇ ସାରିଥିବା ବେଳେ,ବିଜେପି ପକ୍ଷରୁ ବର୍ତମାନ ସୁଦ୍ଧା ପ୍ରାର୍ଥି ଘୋଷଣା ହୋଇନାହିଁ। କାଶିପୁର ବ୍ଲକରୁ ହିଁ ଅନୁସୟା ମାଝିଙ୍କ ବାପା ସ୍ବର୍ଗତ ଅନନ୍ତ ରାମ୍ ମାଝି ବିଧାୟକ ହେଇଥିଲେ ପରେ ପରେ ଶ୍ରୀମତି ମାଝୀଙ୍କ ଦାଦା ଏବଂ ଭାଇ ମଧ୍ୟ ଏହି ଅଞ୍ଚଳର ପ୍ରବଳ ଜନ ସମର୍ଥନ ରହି ବିଧାୟକ ଭାବେ ନିର୍ବାଚିତ ହୋଇଛନ୍ତି ବୋଲି କହିଛନ୍ତି ଶ୍ରୀମତି ମାଝୀ।ମୂଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ ଓଡ଼ିଶାର ବିକାସ ହୋଇଛି।ରାଜ୍ଯ ସରକାରଙ୍କ ଜନ ହିତକାରୀ ଯୋଜନା ଓ ଓଡ଼ିଶାର ବିକାସ ଦିଗରେ ଅଗ୍ରଗତି କୁ ଲୋକଙ୍କୁ ନଜରକୁ ଆଣି ପ୍ରଚୁର ଭୋଟରେ ବିଜୁ ଜନତା ଦଳ ବିଜୟ ଲାଭ କରିବ ବୋଲି ଶ୍ରୀମତି ଅନୂଷୟା ମାଝି ପ୍ରକାଶ କରିଛନ୍ତି। ଗତକାଲି କାଶୀପୁର ବ୍ଲକର ପୋଡାପାଢ଼ୀ ଗ୍ରାମ ପଂଚାୟତ ର ବିଜୁଜନତା ଦଳର ଜଣେ ସକ୍ରିୟ କର୍ମୀ ଦୟାନିଧି ଖସଲା ଆଉ ଆମ ଗହଣରେ ନାହାନ୍ତି ଖବର ଶୁଣି ତାଙ୍କ ବାସଭବନ କୁ ଅନୁସୟା ମାଝୀ ଯାଇକି ଏଇ ଦୁଖଃଦ ସମୟରେ ପରିବାର ବର୍ଗଙ୍କୁ ଭେଟି ସୋମବେଦନl ଜଣେଇ ବା ସହ ମହାପ୍ରଭୁ ଙ୍କୁ ପ୍ରାର୍ଥନା କରୁଛି ଏହି ଦୁଖଃଦ ସମୟରେ ପରିବାର ବର୍ଗଙ୍କୁ ଦର୍ଯ୍ୟ ଓ ସାହସ ଦିଅନ୍ତୁ ବୋଲି ଏତିକି କାମନା କରିଥିଲେ l
