ରାୟଗଡା,(ଅମୁଲ୍ୟ ନିଶଙ୍କ) :ରାୟଗଡ଼ା ଜିଲ୍ଲାରେ ଆଜି କ୍ରାନ୍ତିଧାରା ଦୈନିକ ଖବର କାଗଜର ୨୮ତମ ବାର୍ଷିକୋତ୍ସବ ସ୍ଥାନୀୟ ବିଜୁ ପଟ୍ଟନାୟକ ଅଡିଟୋରିୟମରେ ଅନୁଷ୍ଠିତ ହୋଇଯାଇଛି ।
ବାଟବଣା ହୋଇଛି ସାମ୍ବାଦିକତା ସାମ୍ବାଦିକ ନିର୍ଭୀକ ହେବାର ଅଛି । ଉକ୍ତ କାର୍ଯ୍ୟକ୍ରମକୁ ଜନଜାତି କଲ୍ୟାଣ ଓ ଆଇନ୍ ମନ୍ତ୍ରୀ ଜଗନ୍ନାଥ ସାରକା ମୁଖ୍ୟ ଅତିଥି ଭାବେ ଯୋଗ ଦେଇ ପ୍ରଦୀପ ପ୍ରଜ୍ଜ୍ୱଳନ କରି କାର୍ଯ୍ୟକ୍ରମର ଶୁଭାରମ୍ଭ କରିଥିବା ବେଳେ ମୁଖ୍ୟ ବକ୍ତା ଭାବେ ଯୋଗ ଦେଇ ଥିବା ଭୂଦାନ ଆନ୍ଦୋଳନକାରି ଓ ଶ୍ରେଷ୍ଠ କବି କୃଷ୍ଣ ସିଂହ ଯୋଗ ଦେଇ ସମ୍ବାଦ ପରିବେଷଣ ଓ ସାମ୍ବାଦିକତା ଉପରେ ଦିଗଦର୍ଶନ ଦେଇଥିଲେ । ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବରେ ରାୟଗଡ଼ା ବିଧାୟକ ମକରନ୍ଦ ମୁଦୁଲି, ଅତିରିକ୍ତ ଆରକ୍ଷୀ ଅଧିକ୍ଷକ ବିଷ୍ଣୁ ପ୍ରସାଦ ପାତ୍ର, କ୍ରାନ୍ତିଧାରା ସମ୍ପାଦକ ଗୋବିନ୍ଦ ଚନ୍ଦ୍ର ସାମଲ, ରେଳ ବିଭାଗର ଲୋକ ସମ୍ପର୍କ ଅଧିକାରୀ ନିରାକାର ଦାସ ପ୍ରମୁଖ ଯୋଗ ଦେଇ ସମ୍ବାଦ ଓ ସାମ୍ବାଦିକତା ଉପରେ ବକ୍ତବ୍ୟ ପ୍ରଦାନ କରିଥିଲେ ।
ଏହି କାର୍ଯ୍ୟକ୍ରମରେ ରାୟଗଡା ଜିଲ୍ଲାର ସ୍ୱର୍ଗୀୟ ବରିଷ୍ଠ ସାମ୍ବାଦିକ ନରସିଂହ ନାଥ ପାଢ଼ିଙ୍କୁ କ୍ରାନ୍ତିଧାରା ସମ୍ମାନରେ ସମ୍ମାନିତ କରିବା ସହ ବିଭିନ୍ନ ସଙ୍ଗଠନ କାଳୀ ପୂଜା କମିଟି, ଦୁର୍ଗା ପୂଜା କମିଟି, ନାଗରିକ ମଞ୍ଚ, ଯୁବ ବିକାଶ ପରିଷଦକୁ ସମ୍ମାନିତ କରାଯାଇଥିଲା, ଏତଦ୍ ବ୍ୟତୀତ ଯୁବ ସମାଜ ସେବୀ ଶିବାଜି ଦାଶ ,ରଞ୍ଜିତ ନାଏକ, ଜଗଜିବନ ନାଏକ, ଶାନ୍ତନୁ ସାହୁ, ୱାଇ କୋଣ୍ଡା ବାବୁ, ଅମିତାଭ ପଟ୍ଟନାୟକ, ଶିକ୍ଷାବିତ୍ ଅଶୋକ ମିଶ୍ରଙ୍କୁ ସମ୍ମାନିତ କରାଯାଇଥିଲା । ଏହି କାର୍ଯ୍ୟକ୍ରମର ସଭା ପରିଚାଳନା କରିଥିଲେ ସ୍ଵପ୍ନା ରଥ । ।
