ବୀରମହାରାଜପୁର -(ଶାନ୍ତନୁ କୁମାର କର୍ଣ୍ଣ) ବୀରମହାରାଜପୁର ବ୍ଲକ ଅନ୍ତର୍ଗତ ସୁବଳୟା ଠାରେ ୪୧ ତମ ପ୍ରସିଦ୍ଧ ଗୋକୁଳାଷ୍ଟମୀ ମହୋତ୍ସବ ଗୁରୁବାର ଅପରାହ୍ନରେ ଉଦଯାପିତ ହୋଇଯାଇଛି। ଉଦଯାପନୀ ଉତ୍ସବରେ ବଳଦେବ କ୍ଳବ ସଦସ୍ୟ ସନ୍ତୋଷ ପୁଝାରୀଙ୍କ ନେତୃତ୍ବରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବୀରମହାରାଜପୁର ବିଧାୟକ ପଦ୍ମନାଭ ବେହେରା, ପୂର୍ବତନ ବ୍ଳକ ଅଧ୍ୟକ୍ଷ ତଥା ଜିବନ ବିନ୍ଦୁ ଜିଲ୍ଲା ସଂଯୋଜକ ରଞ୍ଜିତ କୁମାର ରଥ, ସାମ୍ବାଦିକ ନନ୍ଦି କିଶୋର ମିଶ୍ର ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ସାଂସ୍କୃତିକ ବାର୍ତ୍ତା ପ୍ରଦାନ କରିଥିଲା । ଆଧ୍ୟାତ୍ମିକ ପରିବେଶ ମଧ୍ୟରେ ଉକ୍ତ ମହୋତ୍ସବ ୭ ଦିନ ଧରି ଆୟୋଜିତ ହୋଇଥିଲା। ଆଜି କଂସ ମହାରାଜଙ୍କ ନଗର ପରିକ୍ରମା କାର୍ଯ୍ୟକ୍ରମ ବେଶ ଆକର୍ଷଣ ପାଲଟିଥିଲା। ସମସ୍ତ ଜନସାଧାରଣ ଙ୍କୁ ସହର ସଫାସୁତୁରା ରଖିବାକୁ ବାର୍ତ୍ତା ପ୍ରଦାନ କରିଥିଲେ। କଂସ ଭୂମିକାରେ ଅଲେଖ ମହାକୁର ନିଖୁଣ ଅଭିନୟ କରିଥିଲେ। ପରମ୍ପରା ଅନୁଯାୟୀ ଏଠାକାର ଗୋକୁଳାଷ୍ଟମୀ ଯାତ୍ରା ରେ କଂସ ବଧ ଦୃଶ୍ୟ ଅଭିନୀତ ହୋଇନଥାଏ। ସ୍ଥାନୀୟ ବଳଦେବ କ୍ଳବ ଦ୍ବାରା ଆୟୋଜିତ ଉକ୍ତ କାର୍ଯ୍ୟକ୍ରମରେ ସଭାପତି ଅଲେଖ ମହାକୁର, ସମ୍ପାଦକ ସମ୍ପଦ ପୁଝାରୀ, ଶ୍ରୀତମ ବାଘ, ରାଧାମୋହନ ସାହୁ,ଶରତ କର,ନନ୍ଦନ ସାହୁ ଙ୍କ ସହ ସମସ୍ତ ସଦସ୍ୟ ଉପସ୍ଥିତ ରହି ସହଯୋଗ କରିଥିଲେ।
