ବେଗୁନିଆପଡ଼ା,୧୬/୮(ବିଜୟ କୁମାର ନାୟକ) :ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ଅଙ୍ଗାରଗାଁ ଦଣ୍ଡପାଣି ସୁମନ୍ତରାୟ ହାଇସ୍କୁଲରେ ମଙ୍ଗଳବାର ଦିନ ବାର୍ଷିକ ଉତ୍ସବ ପାଳିତ ହୋଇଥିବା ବେଳେ ଏହି ଅବସରେେ ତିନି ଜଣ ବଦାନ୍ୟ ବ୍ୟକ୍ତିଙ୍କ ପ୍ରତିମୂର୍ତ୍ତୀକୁ କବିସୂର୍ଯ୍ୟନଗର ବିଧାୟିକା ଶ୍ରୀମତୀ ଲତିକା ପ୍ରଧାନ ଉନ୍ମୋଚନ କରିଛନ୍ତି। ପୂର୍ବତନ ବିଧାୟକ ସ୍ବର୍ଗତ ନାରାୟଣ ସାହୁଙ୍କ ପ୍ରତିମୂର୍ତ୍ତୀ ଏବଂ ଏହି ବିଦ୍ୟାଳୟର ପ୍ରତିଷ୍ଠାତା ଦଣ୍ଡପାଣି ସୁମନ୍ତରାୟ ଏବଂ ବଦାନ୍ୟ ବ୍ୟକ୍ତି ଭାସ୍କର ପାତ୍ରଙ୍କ ପ୍ରତିମୂର୍ତ୍ତୀ ଆଜି ଉନ୍ମୋଚନ କରିଥିଲେ ! ଏହି ଅବସରରେ ଏକ ରକ୍ତଦାନ ଶିବିର ମଧ୍ୟ ଆୟୋଜନ କରାଯାଇ 56 ୟୁନିଟ ରକ୍ତ ସଂଗ୍ରହ କରାଯାଇଥିଲା ! ଏହି ଅବସରରେ ଆୟୋଜିତ ସଭାରେ ଖଲ୍ଲିକୋଟ ବିଶ୍ବବିଦ୍ୟାଳୟର କୁଳପତି ପ୍ରଫୁଲ କୁମାର ସାହୁ,ଦକ୍ଷିଣ ଓଡିଶା ସାହିତ୍ୟ ସଂସଦର ମହାସଚିବ ଦଣ୍ଡପାଣି ମହାପାତ୍ର,ରାୟଗଡା ଉପଜିଲ୍ଲାପାଳ କଲ୍ୟାଣୀ ସଙ୍ଘମିତ୍ରା,ବେଗୁନିଆପଡା ବ୍ଲକ ଉନ୍ନୟନ ଅଧିକାରୀ ପ୍ରଜ୍ଞା ପ୍ରିୟଦର୍ଶନୀ,କୋଦଳା ତହସିଲଦାର ଶଷ୍ମିତା ଶତପଥି ବିଦ୍ୟାଳୟ ପରିଚାଳନା କମିଟିର ସଭାପତି ରଙ୍କନାଥ ସ୍ବାଇଁ,ସଂପାଦକ ତଥା ପ୍ରଧାନ ଶିକ୍ଷକ ବିପ୍ରଚରଣ ସାହୁଙ୍କ ସମେତ ଅନ୍ୟାନ୍ୟ ନେତୃ ମଣ୍ଡଳୀ ଉପସ୍ଥିତ ରହିଥିଲେ।ଉକ୍ତ କାର୍ଯ୍ୟକ୍ରମରେ ଏହି ଅଂଚଳ ର ବିଭିନ୍ନ କାର୍ଯ୍ୟ ରେ ପାରଦର୍ଶିତା ଲାଭ କରିଥିବା 49 ଜଣଙ୍କୁ ସାନମାନିତା କରାଯାଇଥିଲା ! ଏଥିରେ ପରିଚାଳନା କମିଟିର ସଦସ୍ୟ ସଦସ୍ୟା,ଅଭିଭାବକ ଛାତ୍ରଛାତ୍ରୀ ଓ ଅଞ୍ଚଳ ବାସି ଉପସ୍ଥିତ ରହିଥିଲେ।
