ଆଠମଲ୍ଲିକ,(ବୁଲୁ ଦଳେଇ): ଆଠମଲ୍ଲିକ ବ୍ଲକ ଅନ୍ତର୍ଗତ ଅlମ୍ବସରମୁଣ୍ଡା ପଂଚାୟତ ଅମ୍ବସରମୁଣ୍ଡା ଉଚ୍ଚ ବିଦ୍ୟାଳୟ ଠାରେ ନିର୍ମାଣ ଶ୍ରମିକ ଙ୍କୁ ସହାୟତା ଓ ପରିଚୟ ପତ୍ର ପ୍ରଦାନ ଶିବିର ଅନୁଷ୍ଠିତ ହୋଇଯାଇଅଛି. ଏହି ଶିବିରରେ ମୁଖ୍ୟ ଅତିଥି ଭାବେ ମାନ୍ୟବର ବିଧାୟକ ଶ୍ରୀଯୁକ୍ତ ରମେଶ ଚନ୍ଦ୍ର ସାଏ ପ୍ରଦୀପ ପ୍ରଜ୍ୱଳନ କରି ସଭା ଆରମ୍ଭ କରିଥିଲେ. ସମ୍ମାନିତ ଅତିଥି ଜିଲ୍ଲାପରିଷଦ ସଭ୍ୟ ଯୁଧିଷ୍ଠିର ସିଂ, ସରପଞ୍ଚ ସସ୍ମିତା ସେଠି ବ୍ଲକ ବିଜେଡି ସଭାପତି ବୃନ୍ଦାବନ ସାହୁ ଯୋଗ ଦେଇଥିଲେ.ସରକାରଙ୍କ ସୁବିଧା ସୁଯୋଗ ବିଷୟରେ ବିଧାୟକ ମହୋଦୟ ନିର୍ମାଣ ଶ୍ରମିକ ମାନଙ୍କୁ ଅବଗତ କରିଥିଲେ. ଜିଲା ଶ୍ରମ ଅଧିକାରିଣୀ ଶ୍ରମତି ଇତିଶ୍ରୀ ଗାଇଗରିଆ ଙ୍କ ସଭା ପତିତ୍ୱ ରେ ସଭାକୁ ପରିଚାଳନା କରିଥିଲେ. ଶ୍ରୀଯୁକ୍ତ ଦେବୀପ୍ରସାଦ ମହାନ୍ତି ସହ ଶ୍ରମ ଅଧିକାରୀ ଅନୁଗୋଳ ସଭାରେ ନିର୍ମାଣ ଶ୍ରମିକ କଲ୍ୟାଣ ଯୋଜନା ବିଷୟରେ ସମସ୍ତଙ୍କୁ ଅବଗତ କରିଥିଲେ. ଏହି ଅବସରରେ ସମୁଦାୟ 81ଲକ୍ଷ 24ହଜାର 400ଟଙ୍କା 160ଜଣ ନିର୍ମାଣ ଶ୍ରମିକଙ୍କୁ ବିଭିନ୍ନ ସହାୟତା ପ୍ରଦାନ କରାଯାଇଥିଲା. ବିବାହ ସହାୟତା, ମୃତ୍ୟୁ ସହାୟତା, ଶିକ୍ଷା ସହାୟତା, ମାତୃତ୍ୱ ସହାୟତା ଓ 250ଜଣ ନିର୍ମାଣ ଶ୍ରମିକଙ୍କୁ ନୂତନ ପରିଚୟ ପତ୍ର ପ୍ରଦାନ କରାଯାଇଥିଲା ଏବଂ ଏବେ ଠାରୁ 50 ବର୍ଗ ର ଅଣସଂଗଠିତ ଶ୍ରମିକ ମାନଙ୍କୁ ମିଶ୍ରଣ କରାଯାଇଛି ଓ ଶେଷରେ ସହକାରୀ ଶ୍ରମ ଅଧିକାରୀ ଦେବୀପ୍ରସାଦ ମହାନ୍ତି ଧନ୍ୟବାଦ ଅର୍ପଣ କରିଥିଲେ.
