ମୁଖିଗୁଡ଼ା-(ଅରୁଣ କୁମାରସାହୁ):-କଳାହାଣ୍ଡି ଜିଲ୍ଲା ଜୟପାଟଣା ବ୍ଳକ ଗୋଷ୍ଟୀ ଶିକ୍ଷା ଅଧିକାରୀ ଅଧୀନରେ ଥିବା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ତାଳଗୁଡ ଠାରେ ପ୍ରଧାନ ଶିକ୍ଷକ ଶ୍ରୀ ଯୁକ୍ତ ପ୍ରଫୁଲ୍ଲ କୁମାର ବେହେରା ଙ୍କ ତତ୍ତ୍ୱାବଧାନରେ ଆଜି ଅବସର ତଥା ସମ୍ବର୍ଦ୍ଧନା ସଭା ଆୟୋଜନ ହୋଇଯାଇଛି। ଏହି ସଭାରେ ଆଜିର ମୁଖ୍ୟ ଅତିଥି ଜିଲ୍ଲା ପ୍ରାଥମିକ ଶିକ୍ଷକ ସଂଘ ର ବରିଷ୍ଟ ଉପ ଦେଷ୍ଟା ଗଣେଶ ପ୍ରସାଦ ବେହେରା, ମୁଖ୍ୟ ବକ୍ତା ପୁର୍ବତନ ବିଆର୍ ସିସି ରଜନୀକାନ୍ତ ଠାକୁର, ସମ୍ମାନୀତ ଅତିଥି ସରପଞ୍ଚ ଜୟନ୍ତୀ ମହାଲିକ ପ୍ରମୁଖ ଉପସ୍ଥିତ ଥିଲେ। ଏହି କାର୍ଯ୍ୟ କ୍ରମରେ ଅବସରପ୍ରାପ୍ତ ଗୋଷ୍ଟୀ ଶିକ୍ଷା ଅଧିକାରୀ ଶ୍ରୀ ଯୁକ୍ତ ଧରମା ପ୍ରଧାନ ଓ ଅବସରପ୍ରାପ୍ତ ଅତିରିକ୍ତ ଗୋଷ୍ଠି ଶିକ୍ଷା ଅଧିକାର ନିଜ ବ୍ଲକ ର ଶିକ୍ଷ୍ୟା କୁ ଆଗେଇ ନେଇଥିବା ମହାନ ବ୍ୟକ୍ତି ଙ୍କୁ ଅବସର କାଳୀନ ବିଦାୟ ସମ୍ବର୍ଦ୍ଧନା ଦିଆଯାଇଥିଲା। ଏହା ପରେ ଜୟପାଟଣା ବ୍ଳକ ରେ ନବ ନିଯୁକ୍ତି ଅତିରିକ୍ତ ଗୋଷ୍ଠି ଶିକ୍ଷା ଅଧିକାରୀ ପ୍ରଭାତ କୁମାର ଖମାରୀ ଙ୍କୁ ସ୍ଵାଗତ ସମ୍ବର୍ଦ୍ଧନା ଦେବା ସହିତ ବ୍ଲକ ର ନବ ନିର୍ବାଚିତ ପ୍ରାଥମିକ ଶିକ୍ଷକ ସଂଘ ର ସମସ୍ତ କର୍ମକର୍ତ୍ତା ମାନଙ୍କୁ ସମ୍ବର୍ଦ୍ଧିତ କରାଯାଇଥିବା ସହ ବିଦ୍ୟାଳୟ ର ପରିଚାଳନା କମିଟି ଅଧ୍ୟକ୍ଷ ହରିହର ସୁନା ଧନ୍ୟବାଦ ଅର୍ପଣ କରିବା ସହ ବିଦ୍ୟାଳୟ ର ଶିକ୍ଷକ ଶିକ୍ଷୟତ୍ରୀ ଶ୍ରୀ ସନ୍ତୋଷ ମହାଲିକ, ସରିତା ପଟ୍ଟନାୟକ, ବିଜୟୀ ହିମାଦ୍ରୀ ନନ୍ଦିନୀ ସାହୁ କାର୍ଯ୍ୟକ୍ରମ ପରିଚାଳନାରେ ସହ ଯୋଗ କରିଥିଲେ।
