ତିର୍ତ୍ତୋଲ(ମାନସ କୁମାର ସୁତାର ) :- ହୁକୁଟଲା ଗ୍ରାମରେ ଅଗ୍ନିକାଣ୍ଡ ଘଟି ଗୋଟିଏ ଘର ସମ୍ପୂର୍ଣ ପାଉଁଶ, ଜଳିଗଲା ହଜାର ହଜାର ଟଙ୍କାର ମୂଲ୍ୟବାନ କାଠ | ସୂଚନା ଅନୁଯାୟୀ ତିର୍ତ୍ତୋଲ ଥାନା ଅନ୍ତର୍ଗତ ମଣିଜଙ୍ଗା ପଞ୍ଚାୟତ ଅଧୀନ ହୁକୁଟଲା ଗ୍ରାମରେ ଦିନ ପ୍ରାୟ ୧ଟା ସମୟରେ କେଦାର ନାଥ ବେହେରାଙ୍କ ଘୁଆଳ ଘରେ ନିଆଁ ଲାଗିଯାଇଥିଲା, କେହି କିଛି ବୁଝିବା ଆଗରୁ ଆଖିପିଛୁଳାକେ ସମ୍ପୂର୍ଣ ଘରଟି ହୁତୁହୁତୁ ହୋଇ ଜଳିବାକୁ ଲାଗିଥିଲା | ସ୍ଥାନୀୟ ଲୋକଙ୍କ ଦ୍ୱାରା ନିଆଁ ଲିଭାଇବାକୁ ଚେଷ୍ଟା କରାଯିବା ସହ ତିର୍ତ୍ତୋଲ ଅଗ୍ନିଶମ ବିଭାଗ କୁ ଖବର ଦିଆଯାଇଥିଲା | ତେବେ ଅଗ୍ନିଶମ କର୍ମଚାରୀ ପହଞ୍ଚି ନିଆଁ କୁ ଆୟତ କରିଥିଲେ ହେଁ, ସେତବେଳକୁ ଘରଟି ସମ୍ପୂର୍ଣ ଜଳି ଯାଇଥିଲା | ସେହି ଘରେ ଅନେକ ଗୋଖାଦ୍ୟ ସହ ମୂଲ୍ୟବାନ କାଠ ଏଵଂ ଶଗଡ଼ ଗାଡିର ସମସ୍ତ ଅଖଚକ ରହିଥିଲା ଯାହା ସମ୍ପୂର୍ଣ୍ଣ ଭାବେ ଜଳି ପାଉଁଶ ହୋଇଯାଇଛି |
