ବାସୁଦେବପୁର :(ଅଭୟ ବିଶ୍ୱାଳ )ବାସୁଦେବପୁର ବ୍ଲକ ଅନ୍ତର୍ଗତ ଇରମ ଗ୍ରାମ ପଞ୍ଚାୟତ ରେ ଥିବା ମିନି ଷ୍ଟେଟ ବ୍ୟାଙ୍କ ର ପରିଚାଳକଙ୍କ ନାମରେ ସ୍ଥାନୀୟ ଗ୍ରାହକ ତା. ୧୬/୦୨/୨୦୨୩ ରେ ବାସୁଦେବପୁର ଥାନା ରେ ଏକ ଲିଖିତ ଅଭିଯୋଗ କରିଥିଲେ । ସୂଚନା ଅନୁଯାୟୀ ପରିଚାଳକ ଜଣକ ଶତାଧିକ ଏସବିଆଇ ଜମାକାରୀଙ୍କ ଏଟିଏମ୍ କୁ ଫରଜୁରି କରି ଲକ୍ଷାଧିକ ଟଙ୍କା ଲୁଟ କରିଥିବାର ଅଭିଯୋଗ ହୋଇଥିଲା। ଏହାକୁ କେନ୍ଦ୍ରକରି ବାସୁଦେବପୁର ପୋଲିସ ତଦନ୍ତ କରିବା ସହିତ ଶାଖା ପରିଚାଳକ ରଞ୍ଜନ କୁମାର ମହାରଣାଙ୍କୁ ଗତ କାଲି ଗିରଫ କରିଥିଲେ। ସୂଚନା ଅନୁଯାୟୀ ଗିରଫ ସମୟରେ ପୋଲିସ ଜବତ କରିଥିଲା ଶତାଧିକ ଏସବିଆଇ ଜମା ଖାତା, ବିଭିନ୍ନ ବ୍ୟକ୍ତିଙ୍କର ୬୦ ଟି ଏସବିଆଇ ଏଟିଏମ୍ କାର୍ଡ, ୨ ଟି ଭିଭୋ ମୋବାଇଲ ଏବଂ ଏକ ମାରୁତି ସୁଜିକ୍ କାର ଯାହାର ପଞ୍ଜିକରଣ ନମ୍ବର OR 02E 8700 । ଆଜି ବାସୁଦେବପୁର ପୋଲିସ ଉକ୍ତ ଅଭିଯୁକ୍ତ କୁ ଧାରା ୪୨୦/୨୯୪/୫୦୬/୩୪ IPC ଅନୁସାରେ ( ଠକାମୀ ରାଶି ୨,୮୫,୦୦୦ ଟଙ୍କା ) କୋର୍ଟ ଚାଲାଣ କରିଛି।
