ରାଜଗାଙ୍ଗପୁର,(ମନୋଜ ଭୋଳ) : ରାଜଗାଙ୍ଗପୁର ଅନ୍ତର୍ଗତ ଝଗରପୁର ସ୍ଥିତ ଡାଲମିଆ ଶିଳ୍ପ ତାଲିମ କେନ୍ଦ୍ର (ଡିଆଇଟିଆଇ) ରେ ସ୍ୱାଗତ ସମାରୋହ ଅନୁଷ୍ଠିତ ହୋଇଯାଇଛି l ଉକ୍ତ ସମାରୋହରେ ଡାଲମିଆ ଆଇ ଟି ଆଇ ପରିଚାଳନା ସଦସ୍ୟ ତଥା ଡାଲମିଆ ସିମେଣ୍ଟ ଭାରତ ଲିମିଟେଡ଼ ଅତିରିକ୍ତ କାର୍ଯ୍ୟନିର୍ବାହୀ ନିର୍ଦେଶକ ଅରବିନ୍ଦ ସିଂ ମୁଖ୍ୟ ଅତିଥି ଭାବେ ଯୋଗଦେଇ ଛାତ୍ର ଛାତ୍ରୀ ମାନଙ୍କୁ ଉଦବୋଧନ ଦେଇଥିଲେ l ଏହି ଅବସରରେ କମ୍ପାନୀର ବରିଷ୍ଠ ମହାପ୍ରବନ୍ଧକ ତଥା ଆଇଟିଆଇର ସଚିବ ପ୍ରକାଶ ଅଗ୍ରୱାଲ, ପରିଚାଳନା ସଦସ୍ୟ ଓମ ପ୍ରକାଶ ଅଗ୍ରୱାଲ ଏବଂ କମ୍ପାନୀର ଆଇନ ବିଭାଗ ମୁଖ୍ୟ ରାଜେଶ ରଞ୍ଜନ ଅତିଥି ପ୍ରମୁଖ ଉପସ୍ଥିତ ଥିଲେ l ଅନୁଷ୍ଠାନର ଅଧକ୍ଷ ଦେବବ୍ରତ ପ୍ରଧାନ ଅତିଥି ପରିଚୟ ସହ ସ୍ୱାଗତ ସଂଭାଷଣ ପ୍ରଦାନ କରିଥିଲେ l ଶିବ ଶଙ୍କର ସାହୁ ନୂତନ ଛାତ୍ର ଛାତ୍ରୀ ଓ ଅଭିଭାବକଙ୍କୁ ଅନୁଷ୍ଠାନର ନିୟମାବଳୀ ଓ ଅନୁଶାସନ ବିଷୟରେ ଅବଗତ କରାଇଥିଲେ l ସର୍ବ ଶେଷରେ ଉପସ୍ଥିତ ସମସ୍ତ ଅତିଥି, ଅଭିଭାବକ, ଛାତ୍ର ଛାତ୍ରୀଙ୍କ ଦ୍ୱାରା ଜାତୀୟ ସଂଗୀତ ପରିବେଷଣ କରାଯାଇଥିଲା ଏବଂ ଅନୁଷ୍ଠାନର ଛାତ୍ରଛାତ୍ରୀ ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇ ସଭାଟିକୁ ସମାପ୍ତ କରାଯାଇଥିଲା
