ଚିଲିକା:-୦୫/୦୭(ବିନୁ ଦାସ୍):-ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ କାଳୁପଡ଼ା ଘାଟର ଜରିପଡ଼ା ସେବା ସମବାୟ ସମିତିର ସଭାପତି ନିର୍ବାଚନ ସରିଯାଇଛି।ଏଥିପାଇଁ ଗତ ଜୁନ ମାସ ୧୯ ତାରିଖ ଦିନ କଡ଼ା ସୁରକ୍ଷା ବ୍ୟବସ୍ଥା ମଧ୍ୟରେ ଭୋଟ ଦାନ କରାଯାଇଥିଲା। ଜରିପଡ଼ା ସେବା ସମବାୟ ସମିତିର ପଞ୍ଜିକୃତ ଚାଷୀ ମାନଙ୍କ ମଧ୍ୟରୁ ୬୧୯ ଜଣ ଚାଷୀ ଭୋଟ ଦେବାପାଇଁ ମୋଟ ପନ୍ଦର ଗୋଟି ଜୋନ୍ ରୁ ୩୨ ଜଣ ପ୍ରାର୍ଥୀ ପ୍ରତିଦ୍ବନ୍ଦିତା କରୁଥିବା ବେଳେ ୦୭ ନମ୍ବର ଜୋନ୍ ର ପ୍ରାର୍ଥୀ ପ୍ରକାଶ ପ୍ରଧାନ ନିର୍ଦ୍ୱନ୍ଦ ରେ ଅନ କଁଟେଷ୍ଟ ପ୍ରାର୍ଥୀ ଭାବେ ନିର୍ବାଚିତ ହୋଇଥିଲେ।ସେହିଭଳି ଭାବରେ ଅନ୍ୟ ୧୪ ଗୋଟି ଜୋନ୍ ପାଇଁ ୫୬୩ ଭୋଟର ଭୋଟ ଦେବାପାଇଁ ବ୍ୟବସ୍ଥା ହୋଇଥିଲା।
ଜରିପଡ଼ା ସୋସାଇଟି ର ସଭାପତି ପଦ ପାଇଁ ଦୁଇ ପ୍ରମୁଖ ବିଜୟୀ ପ୍ରାର୍ଥୀ ଦାମୋଦର ଜେନା ଏବଂ ବୃନ୍ଦାବନ ସାହୁ ସଭାପତି ପଦ ପାଇଁ ନାମାଙ୍କନ ପତ୍ର ଦାଖଲ କରିଥିଲେ।ଯାହା ଫଳରେ ଉଭୟ ପ୍ରାର୍ଥୀ ସଭାପତି ପଦ ପାଇଁ ମୋଟ ପନ୍ଦର ଗୋଟି ଜୋନ୍ ର ପନ୍ଦର ଜଣ ସଦସ୍ୟ ଙ୍କୁ ନେଇ ପୁଣି ଥରେ ଟାଙ୍ଗୀ ପୋଲିସ ର କଡ଼ା ସୁରକ୍ଷା ବ୍ୟବସ୍ଥା ମଧ୍ୟରେ ଭୋଟ ଗ୍ରହଣ କରାଯାଇଥିଲା।ଏଥିମଧ୍ୟରୁ ୧୪ ଜଣ ଭୋଟ ଦେଇଥିଲେ।ଯାହାଫଳରେ ସଭାପତି ଭାବେ ଦାମୋଦର ଜେନା ୧୦ (ଦଶ) ଖଣ୍ଡ ଭୋଟ ପାଇ ସଭାପତି ଭାବେ ବିଜୟୀ ହୋଇଥିବାବେଳେ ପ୍ରତିଦ୍ବନ୍ଦିତା କରୁଥିବା ଅନ୍ୟତମ ପ୍ରାର୍ଥୀ ବୃନ୍ଦାବନ ସାହୁ ମାତ୍ର ଚାରି ଗୋଟି ଭୋଟ ପାଇ ଶୋଚନୀୟ ପରାସ୍ତ ହୋଇଛନ୍ତି।ଏଥିପାଇଁ ନୂତନ ସଭାପତି ଦାମୋଦର ଜେନା ଅଞ୍ଚଳବାସୀ ଙ୍କୁ ଧନ୍ୟବାଦ ଜଣେଇବା ସହ ସମସ୍ତ ସହଯୋଗୀ ଙ୍କୁ ସାଧୁବାଦ ଜଣାଇଛନ୍ତି।
