ରାଜଗାଙ୍ଗପୁର,୧୮/୦୬ (ମନୋଜ ଭୋଳ) :-ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ସହର ରେ ଆଜି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି | ଜଣେ 26 ବର୍ଷୀୟ ଯୁବକ ମୃତ ଦେହ ଗଛ ରୁ ଝୁଲନ୍ତା ଅବସ୍ଥା ରେ ଉଦ୍ଧାର କରାଯାଇଛି |ଘଟଣା ରୁ ପ୍ରକାଶ ଯେ ରାଜଗାଙ୍ଗପୁର ପୌରପାଳିକା ଅନ୍ତଗତ ୱାର୍ଡ ନମ୍ବର 1 ବାବାତଲାବ ଠାରୁ ମଧୁସୂଦନ କଲୋନୀ କୁ ଯିବାକୁ ଥିବା ରାସ୍ତା କଡ଼ରେ ଥିବା ଏକ ଗଛ ରେ ଜଣେ ଯୁବକ ଙ୍କ ଝୁଲନ୍ତା ଅବସ୍ଥା ରେ ମୃତ ଦେହ ଦେଖିବାକୁ ମିଳିଥିଲା | ଉକ୍ତ ଯୁବକ ଜଣକ ମଧୁସୂଦନ କଲୋନୀ ନିବାସୀ ନନ୍ଦ ଲାଲ ସିଂ ଙ୍କ ପୁତ୍ର ଚନ୍ଦନ ସିଂ ବୋଲି ଜଣା ପଡିଛି | ପ୍ରାପ୍ତ ସୂଚନା ଅନୁଯାଇ ନନ୍ଦ ଲାଲ ପୁତ୍ର ଚନ୍ଦନ ସିଂ ଗତ କାଲି ଟର୍କୀ ନିଶାରେ ରହି ନିଜ ଘରେ ଝଗଡା କରିବା ସହ କୌଣସି କାରଣ କୁ ନେଇ ପାଟି ତୁଣ୍ଡ କରିଥିବା ଫଳରେ ଘରେ ଅଶାନ୍ତି ହୋଇଥିଲା |ଚନ୍ଦନ ବିଳମ୍ବିତ ରାତିରେ ଘରୁ ଏକ ଚାଦର ନେଇ ବାହାରକୁ ଯାଇଥିବା ବେଳେ ଘରକୁ ଫେରି ନଥିଲା | ଆଜି ସଖାଳେ ଗଛ ରେ ତାଙ୍କର ମୃତ ଦେହ ଝୁଲନ୍ତା ଅବସ୍ଥା ରେ ଦେଖିବାକୁ ମିଳିଥିବା ବେଳେ ସେ ଆତ୍ମ ହତ୍ୟା କରିଥିବା ନେଇ ପରିବାର ଲୋକ ପ୍ରକାଶ କରିଛନ୍ତି | ସମ୍ପର୍କ ରେ ପୋଲିସ ଖବର ପାଇଁ ଘଟଣା ସ୍ଥଳ ରେ ପହଞ୍ଚି ମୃତ ଦେହ କୁ ରାଜଗାଙ୍ଗପୁର ସରକାରୀ ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ର କୁ ବ୍ୟବଛେଦ ପାଇଁ ପଠାଇ ଥିବା ଜଣା ପଡିଛି |
