ଚିଲିକା:-୧୪/୪ (ବିନୁ ଦାସ୍) ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ ଅନ୍ତର୍ଗତ ଗଙ୍ଗାଧର ପୁର ଦମକଳ କେନ୍ଦ୍ର ତରଫରୁ ସପ୍ତାହ ବ୍ୟାପି ଜନସଚେତନତା ସୃଷ୍ଟି ଲାଗି ୧୪ ତାରିଖରୁ ୨୦ ତାରିଖ ପର୍ଯ୍ୟନ୍ତ ପାଳନ ହେଉଛି। ଦମକଳ କେନ୍ଦ୍ର ତରଫରୁ ଫାୟାର ଷ୍ଟେସନ ଅଫିସର ମନୋଜ କୁମାର ସାହୁଙ୍କ ନିର୍ଦେଶ ମୁତାବକ ବିଭିନ୍ନ ସ୍ଥାନରେ ଅଗ୍ନିଶମ କେନ୍ଦ୍ରର ଯବାନ ମାନଙ୍କ ପକ୍ଷରୁ ବିଭିନ୍ନ ସ୍ଥାନରେ ମକ୍ ଡ୍ରିଲ କରାଯାଇଛି । ସୂଚନାଯୋଗ୍ୟ କି ସଦାସର୍ବଦା ଓଡ଼ିଶାରେ ହେଉଥିବା ବିଭିନ୍ନ ପ୍ରାକୃତିକ ବିପର୍ଯ୍ୟୟ ମୁକାବିଲା କ୍ଷେତ୍ରରେ ଏବଂ ବିଭିନ୍ନ ଦୁର୍ଘଟଣା ସହ ଅଗ୍ନିକାଣ୍ଡ ଭଳି ପରିସ୍ଥିତି ସୃଷ୍ଟି ହେଲେ ସଫଳତା ର ସହ ଦମକଳ ବାହିନୀ ସଫଳତା ସହ ମୁକାବିଲା କରି ଆସିଛି ।
ତେଣୁ ଜନସାଧାରଣ ଙ୍କୁ ସେବା ଯୋଗାଇଦେବା ଲାଗି ବିଭିନ୍ନ ସ୍ଥାନରେ ନିଜର କଳା କୌଶଳ ପ୍ରଦର୍ଶିତ କରିଥିଲେ । ଜାତୀୟ ରାଜପଥ ୧୬ ଅନ୍ତର୍ଗତ ବଡ଼ ପଦର ମାତୃକୃପା ଫୁଏଲସ ଏବଂ ନାଚୁଣି ସ୍ଥିତ ୩୩/୧୧ କେଭି ସବଷ୍ଟେସନ ସହ ଅନେକ ସ୍ଥାନରେ ମକ୍ ଡ୍ରିଲ କରାଯାଇଥିଲା ଏହି ସେବା ସପ୍ତାହ ପାଳନ ଅବସରରେ ଗଙ୍ଗାଧର ପୁର ଦମକଳ କେନ୍ଦ୍ର ତରଫରୁ ଷ୍ଟେସନ ଅଫିସର ମନୋଜ କୁମାର ସାହୁ, ମୁଖ୍ୟ ଆଗ୍ନିକ ବସନ୍ତ ମହାପାତ୍ର, ପୂର୍ଣ୍ଣଚନ୍ଦ୍ର ଦାଶ୍ , ସରୋଜ କୁମାର ପଣ୍ଡା ,ଗୌରୀ ଶଙ୍କର ଗୁରୁ,ଜଗନ୍ନାଥ ନାୟକ, ଅରୁଣ କୁମାର ସେଠି ପ୍ରମୁଖ କର୍ମଚାରୀ ଅଂଶଗ୍ରହଣ କରି ଜନସାଧାରଣ ଙ୍କୁ ନିଜର ସେବା ସମ୍ବନ୍ଧୀୟ ମକ୍ ଡ୍ରିଲ ପ୍ରଦର୍ଶନ କରିଥିଲେ।
