ଟାଙ୍ଗୀ/୧୩/୦୮(ବିନୁ ଦାସ୍):- ଖୋର୍ଦ୍ଧା ଜିଲ୍ଲାର ନିରାକାରପୁର ପୋଲିସ ପକ୍ଷରୁ ଚଢ଼ାଉ କରାଯାଇ ବିପୁଳ ପରିମାଣର ବିଦେଶୀ ମଦ ଜବତ ହୋଇଛି । ଏହି ଘଟଣାରେ ଜଣକୁଂ ଗିରଫ କରିଛି ନିରାକାରପୁର ପୋଲିସ । ଏକ ସ୍କୁଟି ଗାଡ଼ିରେ ଏହି ଚୋରା ବିଦେଶୀ ମଦ ଚାଲାଣ ହେଉଥିବା ବେଳେ ନିରାକାରପୁର ପୋଲିସ ଏହି ଧରପଗଡ କରିଛନ୍ତି । ଗିରଫ ଅଭିଯୁକ୍ତ ଜଣକ ନିରାକାରପୁର ଗ୍ରାମର ଶୁଶାନ୍ତ ବଳିଆରସିଂ । ଏତେ ପରିମାଣର ମଦ କେଉଁଠୁ ଆସିଲା ତାହାର ଖାନ୍-ତଲାସ କରୁଛି ପୋଲିସ । ଲକ୍ ଡାଉନ ର କୋହଳ ମନୋଭାବ ଦେଖି ବର୍ତ୍ତମାନ ମାତି ଉଠିଛନ୍ତି ନିଶା ମାଫିଆ । ବିଗତ ପନ୍ଦର ଦିନ ମଧ୍ୟରେ ଚାନ୍ଦପୁର ଥାନା ଅଞ୍ଚଳରୁ ଚାରିଶହ ଲିଟର ବିଦେଶୀ ମଦ ସହ ଦୁଇଟି ମାରୁତି ଭ୍ୟାନ ଜବତ କରିଥିଲା ଚାନ୍ଦପୁର ପୋଲିସ । ସେହିଭଳି ଭାବରେ ବିଗତ ତିନିଦିନ ତଳେ ଚାନ୍ଦପୁର ଥାନାଧିକାରୀ ରଶ୍ମୀ ରଞ୍ଜନ ଦାସ୍ ଏକ କୁଇଣ୍ଟାଲ ଗଞ୍ଜେଇ ଜବତ କରିବା ସହ ମା-ପୁଅଙ୍କୁ ଗିରଫ କରିବା ସହ ଏକ ହୋଣ୍ଡା ସିଟି କାର୍ ଜବତ କରିଥିଲେ।ସେହିଭଳି ଭାବରେ ଉପକୂଳବର୍ତ୍ତୀ ଅଞ୍ଚଳରେ ବର୍ତ୍ତମାନ ନିଶା ମାଫିଆ ମାନଙ୍କ ବ୍ୟବସାୟ ବଢି ବଢି ଚାଲିଛି।ଅବକାରୀ ଥାନା ଥାଇବି ଅବକାରୀ ବିଭାଗ କିଛି ହାତ ଗଣତି ମଦ ବେପାରୀଙ୍କୁ ଧରି ବାହାବା ନେଉଥିବା ବେଳେ ପ୍ରକୃତ ବଡ଼ ବଡ଼ ନିଶା ମାଫିଆ ମାନେ ଖସି ଯାଉଛନ୍ତି । କିନ୍ତୁ ଯେଉଁ ନିଶା ମାଫିଆ ମାନଙ୍କୁ ଅବକାରୀ ବିଭାଗ ପକ୍ଷରୁ ଧରପଗଡ଼ ହେବା କଥା ତାହା ହୋଇପାରିନି । ପୋଲିସ ପକ୍ଷରୁ ଏଭଳି ନିଶା ମାଫିଆଙ୍କ ବିରୋଧରେ ଚଢ଼ାଉ କୁ ବୁଦ୍ଧିଜୀବୀ ମହଲରେ କୃତଜ୍ଞତା ଜଣାଇଛନ୍ତି।
