ଗୁଣପୁର,୩୦।୦୭ (ସିଦ୍ଧାର୍ଥ ଦାସ) , ବଂଶଧାରା ଅବବାହିକା ସୁରକ୍ଷା ସମିତି ର ଏକ ଗୁରୁତ୍ବପୂର୍ଣ୍ଣ କୋର୍ କମିଟି ବୈଠକ ଗୁଣପୁର ଠାରେ ଅନୁଷ୍ଠିତ ହୋଇଯାଇଛି। ଏହି ବୈଠକରେ ବଂଶଧାରା ଉପର ମୁଣ୍ଡରେ ପ୍ରକଳ୍ପ କରିବା ପ୍ରସଙ୍ଗରେ ଆଗାମି ରୋଡମ୍ଯାପ୍ ପ୍ରସ୍ତୁତ କରାଯାଇଛି। ଏଥିପାଇଁ ଦୁଇ ପ୍ରକାର କାର୍ଯ୍ୟକ୍ରମ ହାତକୁ ନିଆଯାଇଥିଲା । ଗୋଟିଏ ପଟେ ଜନ ସଚେତନତା ସହ ଶାନ୍ତିପୂର୍ଣ୍ଣ ଆନ୍ଦୋଳନ ଦ୍ବାରା ସରକାର ଙ୍କ ନିକଟରେ ସ୍ଥାନୀୟ ଲୋକଙ୍କ ସମସ୍ୟା ଉପସ୍ଥାପନ କରାଯିବା ଏବଂ ଅନ୍ଯପଟେ ସ୍ଥାନୀୟ ଲୋକ ପ୍ରତିନିଧି ମାନଙ୍କ ଦ୍ବାରା ରାଜ୍ଯ ସରକାରଙ୍କ ନିକଟରେ ଲବିକରି ଏହି ଦାବୀକୁ ହାସଲ କରିବାକୁ ଅନବରତ ଉଦ୍ଯମ ଜାରୀ ରଖିବା । ଏଥି ନିମନ୍ତେ ଉଦ୍ଯମ କରିବା ପାଇଁ ବରିଷ୍ଠ ଅଭିଜ୍ଞ ତଥା ଉତ୍ସାହି ବ୍ଯକ୍ତି ମାନେ ଦାୟିତ୍ବ ନେଇଥିଲେ।
ଏଥିପାଇଁ ଚୁଡାନ୍ତ ହୋଇଥିବା କାର୍ଯ୍ଯସୂଚୀ ଗୁଡ଼ିକ :-
ଜୁଲାଇ ୩୦ ରେ ପ୍ରଥମ ପର୍ଯ୍ୟାୟରେ ସ୍ଥାନୀୟ ବିଧାୟକ ଓ ବିଜୁ ସ୍ବାସ୍ଥ୍ୟ କଲ୍ଯାଣ ଯୋଜନା ର ଉପଦେଷ୍ଟା ଙ୍କ ସହ ଏହି ପ୍ରସଙ୍ଗରେ ସ୍ବତନ୍ତ୍ର ଭାବେ ଆଲୋଚନା କରିବା ପରେ ଦ୍ବିତୀୟ ପର୍ଯ୍ଯାୟରେ ଆମ ଜିଲ୍ଲାର ମନ୍ତ୍ରୀ, ରାଜ୍ଯସଭା ସାଂସଦ ଓ ଲୋକସଭା ସାଂସଦଙ୍କୁ ଭେଟି ଆଲୋଚନା କରିବା ପାଇଁ ନିଷ୍ପତ୍ତି ହୋଇଛି।
ଅଗଷ୍ଟ ୧ ରୁ ଏକମାସ ବ୍ଯାପି ନିରବ ଶୋଭାଯାତ୍ରା ସହ ସ୍ମାରକପତ୍ର ପ୍ରଦାନ କରାଯିବ। ଏହା ପ୍ରତେକ ଦିନ ସକାଳ ୧୦ଟା ରେ ନୂଆ ବସଷ୍ଟାଣ୍ଡ ବିଜୁବାବୁ ଙ୍କ ପ୍ରତିମୂର୍ତ୍ତି ନିକଟରୁ ବାହାରି ଉପ ଜିଲ୍ଲାପାଳଙ୍କ କାର୍ଯ୍ୟାଳୟ ରେ ପହଞ୍ଚୁଥିବ। ଏଥିରେ ସହର ତଥା ବଂଶଧାରା ଅବବାହିକା ଅଞ୍ଚଳର ବିଭିନ୍ନ ସଂଘ ସାମିଲ ହୋଇ ପ୍ରତେକ ସଂଘ ଦିନକର ଦାୟିତ୍ବ ନେବେ।
ଅଗଷ୍ଟ ୯ ତାରିଖ କ୍ରାନ୍ତି ଦିବସରେ ଅବବାହିକା ସୁରକ୍ଷା ସମିତି ପକ୍ଷରୁ ପୁରା ଅବବାହିକା ର ଗୁଡାରୀ ଠାରୁ ଗାଦିଆଖଳା ଯାଏଁ ସବୁ ଅଞ୍ଚଳର ଲୋକଙ୍କୁ ନେଇ ଶୋଭାଯାତ୍ରା ରେ ଯାଇ ସ୍ମାରକପତ୍ର ଦିଆଯିବ।
ଅଗଷ୍ଟ ୧୫ ରୁ ପାଣି ଡଙ୍ଗର ରୁ ପାଲସିଂ ଯାଏଁ ପଦଯାତ୍ରା କରାଯାଇ ଗାଁ ଗାଁ ରେ ବୈଠକ କରାଯିବ।
