ଟାଙ୍ଗୀ,୨୧/୦୬(ବିନୁ ଦାସ୍):-ସାଙ୍ଗ ମାନଙ୍କ ସହିତ ଖେଳ କୂଦରେ ମାତିଥିଲା ଝିଅ ବର୍ଷା । ସେହି ଖେଳ ଯେ ତା’ପାଇଁ କାଳ ସାଜିବ ସେକଥା କେହି ଜାଣି ନଥିଲେ । ମୃତ୍ୟୁର ଫାସ ଯେ ସେହି କୂଅ ପାଖରେ ଯଗି ବସିଛି ସେକଥା କେହି ଯାଣିବ ବା କେମିତି । ଘରର ବାରି ପଟରେ ସାଙ୍ଗ ମାନଙ୍କ ସହିତ ଖେଳୁଥିବା ବେଳେ ୭/୮ ବର୍ଷ ର ଝିଅ ବର୍ଷା କେତେବେଳେ ଯେ କୂଅ ଭିତରେ ଗଳିପଡି ପଡିଛି ସେକଥା କେହି ଯାଣି ପାରିଲେ ନାହିଁ । ଖେଳ ସରିଲା , ସାଙ୍ଗ-ସାଥି ନିଜ ନିଜର ଘରକୁ ଫେରିଲେ ମାତ୍ର ବର୍ଷା ଆଉ ଘରକୁ ଫେରିଲା ନାହିଁ । ଘର ଲୋକ ଖୋଜିବା ଆରମ୍ଭ କଲେ , ପରେ ଦେଖିଲା ବେଳକୁ ବର୍ଷା କୂଅରେ ଭାସୁଛି । ବର୍ଷା କୁ ଉଦ୍ଧାର କରି ଟାଙ୍ଗୀ ମେଡିକାଲ ଆଣିଲେ ପରିବାର ଲୋକେ , ମାତ୍ର ବର୍ଷା କୁ ମୃତ୍ୟୁ ଘୋଷଣା କରିଥିଲେ । ଖୋର୍ଦ୍ଧା ଜିଲ୍ଲାର ଟାଙ୍ଗୀ ନିକଟସ୍ଥ ମଙ୍ଗଳାଯୋଡ଼ି ଗ୍ରାମର ବିରେନ୍ଦ୍ର ବେହେରା ଙ୍କର ଝିଅ ବର୍ଷା । ବର୍ଷା ର ମୃତ୍ୟୁ ଖବର ପ୍ରଚାରିତ ପରେ ଗାଁରେ ଶୋକାକୂଳ ପରିବେଶ ସୃଷ୍ଟି ହୋଇଛି । ଟାଙ୍ଗୀ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
