ବାଣପୁର,୦୭/୦୬: କାଳ ବୈଶାଖିର କରାଳ ରୂପ କରୋନାରୁ ବଳି ପଡିଛି । ଏହାର ପ୍ରଭାବ ପ୍ରାୟ ବାଣପୁର ଅଞ୍ଚଳରେ ଦେଖାଯାଇଥିବା ବେଳେ ପୂର୍ବାହ୍ନରେ ପ୍ରବଳ ପବନ ସହିତ ବର୍ଷା ଯୋଗୁଁ ସାଧାରଣ ଜନ ଜୀବନ ଏକ ପ୍ରକାର ବ୍ୟତିବ୍ୟସ୍ତ ହୋଇ ପଡିଥିଲା । ବିଭିନ୍ନ ସ୍ଥାନରେ ଗଛପଡ଼ି ରାସ୍ତା ଅବରୋଧ ହୋଇଥିବା ବେଳେ ଘରଦ୍ୱାରା ମଧ୍ୟ ଭାଙ୍ଗିରୁଜି ଯାଇଥିବା ସୂଚନା ମିଳିଛି ।
ସୂଚନା ଥାଉକି ବାଣପୁର ପୌର ପରିଷଦ ଅନ୍ତର୍ଗତ ୱାର୍ଡ ନଂ ୪ ରଙ୍କନାଥ ପାଟଣା ଗ୍ରାମ ନିକଟରେ ଅବସ୍ଥିତ ଏକଦା ପରିଷଦ ଟ୍ରଷ୍ଟ କାର୍ଯ୍ୟାଳୟରେ କର୍ମଚାରୀ (ଜିତେନ୍ଦ୍ର କୁମାର ବରାଳ) ଥିବା ବେଳେ କାଳ ବୈଶାଖିରେ ଘର ଆଜବେଷ୍ଟ ଉଡି ଯାଇଥିବା ବେଳେ ସେ ନିଶ୍ଚିତ ମୃତ୍ୟୁ ମୁଖରୁ ବର୍ତ୍ତିଯାଇଥିଲେ ।
ଅନେକ ଅଞ୍ଚଳରେ ବିଦ୍ୟୁତ ଖୁଣ୍ଟ ଉପରେ ଗଛ ପଡି ତାର ଛିଡ ଯାଇଥିବାରୁ ଅନେକ ଅଞ୍ଚଳରେ ବିଦ୍ୟୁତ ସରବରାହ ବନ୍ଦ ରହିଛି । ବିଦ୍ୟୁତ ବିଭାଗର କର୍ମଚାରୀ ମାନେ ଗଛ କାଟି ଅନେକ ଅଞ୍ଚଳରେ ବିଦ୍ୟୁତ ଦେଇଥିବା ବେଳେ ଅନେକ ଅଞ୍ଚଳରେ କାର୍ଯ୍ୟ ଚାଲୁ ରହିଛି ବୋଲି ସୂଚନା ମିଳିଛି ।
