ପାଟଣା:(ବିଜୟ କୁମାର ମହାନ୍ତ )ଗ୍ରୀଷ୍ମ ପ୍ରବାହକୁ ନଜରରେ ରଖି ଭରସା ପରିବାର ପକ୍ଷରୁ ପଥଚାରୀଙ୍କ ତୃଷ୍ଣା ମେଣ୍ଟନ ପାଇଁ ସକ୍ଷମ ଅନୁସାରେ ବିଭିନ୍ନ ସ୍ଥାନରେ ଜଳଛତ୍ର ଖୋଲାଯାଉଛି ଓ ପ୍ରତ୍ୟେକ ଦିନ ସ୍ବଚ୍ଛ ଜଳ ପୂର୍ଣ୍ଣ ପାଇଁ ସଦସ୍ୟଙ୍କୁ ଦାୟିତ୍ୱ ବଣ୍ଟନ କରାଯାଉଅଛି । ଏହି କ୍ରମରେ ସଭାପତି ଲମ୍ବୋଦର ମହାନ୍ତଙ୍କ ନିର୍ଦ୍ଦେଶକ୍ରମେ ପାଟଣା ଓ ଢେଙ୍କିକୋଟ ଦୁଇ ସ୍ଥାନରେ ଜଳଛତ୍ର ଉଦଘାଟନ କରାଯାଇଅଛି । ପାଟଣା ବ୍ଲକ ସଭାପତି ଭରତ ଚନ୍ଦ୍ର ମହାନ୍ତଙ୍କ ନେତୃତ୍ୱରେ ପାଟଣାର ବ୍ୟାଙ୍କ ଅଫ ଇଣ୍ଡିଆ ସମ୍ମୁଖରେ ଭରସା ପରିବାରର ସାଧାରଣ ସମ୍ପାଦକ ବାପୁନ୍ କୁମାର ମହାନ୍ତ , ଉପଦେଷ୍ଟା ପ୍ରେମଚାନ୍ଦ ପୃଷ୍ଟି , ସକ୍ରୀୟ ସଦସ୍ୟ ମହେଶ୍ୱର ମହାନ୍ତ , ମିନତୀ ମହାନ୍ତ , ରଶ୍ମିତା ମହାନ୍ତ , ଉଷାରାଣୀ ମହାନ୍ତ ଘଟଗାଁ ବ୍ଲକ ସକ୍ରିୟ ସଦସ୍ୟ ଚିତ୍ତ ରଞ୍ଜନ ମହନ୍ତ, ହୃଷି କେଶ ମହାନ୍ତ, ଉତ୍ତମ ଖାନ୍ ପ୍ରମୁଖ ଉପସ୍ଥିତ ରହି ଜଲଛତ୍ର ଉଦଘାଟନ ସହିତ ପଥଚାରୀଙ୍କୁ ଜଳ ବଣ୍ଟନ କରିଥିଲେ । ସେହିପରି ଘଟଗାଁ ବ୍ଲକ ଢେଙ୍କିକୋଟ ଓଭରବ୍ରିଜ ତଳେ ଜଳଛତ୍ରର ଆବଶ୍ୟକତାକୁ ଦୃଷ୍ଟିରେ ରଖି ଢେଙ୍କିକୋଟ ଫାଣ୍ଡି ଅଧିକାରୀ ତରଣିସେନ ବାଗଙ୍କ ଦ୍ବାରା ଜଳଛତ୍ର ଉଦଘାଟନ କରାଯାଇଅଛି । ଘଟଗାଁ ବ୍ଲକ ସଭାନେତ୍ରୀ ଭାରତୀ ଭୋଇଙ୍କ ନେତୃତ୍ୱରେ ଚିତ୍ତରଞ୍ଜନ ମହାନ୍ତ, ହୃଷୀ କେଶ ମହାନ୍ତ ପାଟଣା ବ୍ଲକ ସଭାପତି ଭରତ ଚନ୍ଦ୍ର ମହାନ୍ତ ରବୀନ୍ଦ୍ର ମୁଣ୍ଡା ପ୍ରମୁଖ ଯୋଗ ଦେଇଥିଲେ ।
