ବଲାଙ୍ଗିର,୦୪/୦୯: ମହଙ୍ଗା ପଡିଲା ମହିଳା କର୍ମଚାରୀଙ୍କ ଅସଦାଚରଣ ଅଭିଯୋଗ । ଅଭିଯୋଗ ଭିତ୍ତିରେ ନିଲମ୍ବିତ ହୋଇଛନ୍ତି ବଲାଙ୍ଗିର ଉପଜିଲ୍ଲାପାଳ ସଞ୍ଜୟ କୁମାର ମିଶ୍ର । ନିଲମ୍ବନ ନେଇ ସୂଚନା ଦେଇଛନ୍ତି ଜିଲ୍ଲାପାଳ ଅରିନ୍ଦମ ଡାକୁଆ ।
ସୂଚନାଯୋଗ୍ୟ, ଉପଜିଲ୍ଲାପାଳଙ୍କ ଦ୍ବାରା ନିର୍ଯାତନାର ଶିକାର ହୋଇଥିବା ବିଧବା ମହିଳା ଜଣକ ଏନେଇ ୩୦ ଅଗଷ୍ଟରେ ପୋଲିସ୍ ନିକଟରେ ଅଭିଯୋଗ କରିଥିଲେ। ସେ ତାଙ୍କ ଅଭିଯୋଗରେ କହିଥିଲେ ଯେ ଉପଜିଲ୍ଲାପାଳ ସଞ୍ଜୟ କୁମାର ମିଶ୍ର ତାଙ୍କୁ ଚାମ୍ବରକୁ ଡାକି ଅସଦାଚରଣ କରୁଥିଲେ। ଏଥିସହ ପୀଡ଼ିତା ମହିଳା ଜଣକ ଜିଲ୍ଲାପାଳଙ୍କ ନିକଟରେ ମଧ୍ୟ ଅଭିଯୋଗ କରିଥିଲେ।
