ବାଲୁଗାଁ : ଖୋର୍ଦ୍ଧା ଜିଲ୍ଲା ବାଲୁଗାଁ ପାରିଙ୍କସାରୀ ଛକ ନିକଟରେ ୧୬ ନମ୍ବର ଜାତୀୟ ରାଜପଥରେ ଆଜି ସକାଳେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଏଥିରେ ଜଣଙ୍କର ମୃତ୍ୟୁ ଘଟିଥିବା ବେଳେ ୩ ଜଣ ଗୁରୁତର ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ଜଣଙ୍କର ଗୋଟିଏ ଗୋଡ଼ ଆଣ୍ଠୁ ତଳୁ ପୂରା କଟି ଯାଇଛି।
ସୂଚନା ଅନୁଯାୟୀ, AP 39 PL 8003 ନମ୍ବର ବିସିଷ୍ଟ ଏକ ପିକ୍ଅପ୍ ଭ୍ୟାନ୍ରେ ୧୦/୧୨ ଜଣ ଲୋକ ନେଇ ଆନ୍ଧ୍ର ପ୍ରଦେଶରୁ ପୁରୀ ଅଭିମୁଖେ ଯାଉଥିଲେ। ପାରିଙ୍କସାରୀ ଛକ ନିକଟରେ ଡ୍ରାଇଭରର ଆଖି ଲାଗିଯାଇଥିଲା। ଫଳରେ ଗାଡ଼ିଟି ଡିଭାଇଡରରେ ପିଟି ହୋଇ ରାସ୍ତାର ଅପରପାର୍ଶ୍ୱକୁ ଚାଲିଯାଇଥିଲା। ଆଉ ଏତିକିବେଳେ ସେପଟେ ଯାଉଥିବା ଏକ ଟ୍ରକ୍ ଏହାକୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ଜଣଙ୍କର ମୃତ୍ୟୁ ଘଟିଥିଲା। ଗୁରୁତର ଭାବେ ଆହତ ହୋଇଥିବା ୩ ଜଣଙ୍କୁ ବାଣପୁର ଡାକ୍ତରଖାନାରେ ଭର୍ତ୍ତି କରାଯାଇଛି।
ଜି.ନାଗାରାଜୁ (୨୭) ପିତା ଜି.ମୁସଲଗା ଜି କୋଣ୍ଡମା (୫୦) ସ୍ୱାମି- ଗେଡୁଲ କୋଣ୍ଡୟା
ପୁସୁଲ୍ ବଲରାମ୍ ସମସ୍ତଙ୍କ ଘର ଆନ୍ଧ୍ରପ୍ରଦେଶ ର ଗୋଦାବରୀ ଜିଲ୍ଲାର ବୋଲି ଜଣାପଡିଛି
