ଢେଙ୍କାନାଳ,୦୩/୦୮: ଆଜି ଢେଙ୍କାନାଳ ଜିଲ୍ଲାର ମହାବୀର ବଜାରସ୍ଥିତ କଚେରୀ ରୋଡ଼ରେ ଆମ ଆଦମୀ ପାର୍ଟିର କାର୍ଯ୍ୟାଳୟ ଉଦ୍ଘାଟିତ ହୋଇଯାଇଛି । ଆଜିର ଏହି ଉଦ୍ଘାଟନୀ ଉସ୍ଛବରେ ମୁଖ୍ୟ ଅତିଥିରୁପେ ଆମ ଆଦମୀ ପାର୍ଟିର ରାଜ୍ୟ କାର୍ଯ୍ୟକାରିଣୀ ସଦସ୍ୟ Dr ଅଜୟ ପତି ଯୋଗ ଦେଇ ଏହାକୁ ଉଦଘାଟନ କରିଥିଲେ । ଆମ ଆଦମୀ ପାର୍ଟିର ବିଚାର ତଥା ଅରବିନ୍ଦ କେଜେରୀୱାଲଙ୍କ ଧାରାରେ ସାମିଲ ହୋଇ ଲୋକଙ୍କ ସମସ୍ୟାକୁ ସର୍ବ ସମୁଖକୁ ଆଣିବା ପାଇଁ ସଦସ୍ୟ ମାନଙ୍କୁ ଉତ୍ସ।ହିତ କରିଥିଲେ । ଆଜକୁ ଦୀର୍ଘ 8 ବର୍ଷ ଧରି ଆମ ଆଦମୀ ପାର୍ଟି ଲୋକଙ୍କର ପାନୀୟ ଜଳ ସମସ୍ୟା, ବିଜୁଳି ଆଲୋକ ସମସ୍ୟା ତଥା ରାସ୍ତା ସମସ୍ୟା ଆଦିକୁ ଜିଲ୍ଲା ପ୍ରଶାସନ ପାଖରେ ପହଞ୍ଚିବାରେ ଯେଉଁ ଭୂମିକା ଗ୍ରହଣ କରିଛି ତାହା ଆଗକୁ ବଜାୟ ରଖିବା ପାଇଁ ସଦସ୍ୟ ମାନଙ୍କୁ ଉସ୍ଛାହିତ କରିଛନ୍ତି । ଆମ ଆଦମୀ ପାର୍ଟିର ଜିଲ୍ଲା ଆବାହକ ପଙ୍କଜ ନାୟକ ଲୋକମାନଙ୍କୁ ତାଙ୍କ ସମସ୍ୟାନେଇ ଆସି କିଭଳି ଭାବେ ତାହାର ସମାଧାନ କରିବେ କିମ୍ବା ପ୍ରଶାସନ ପାଖରେ ସମସ୍ୟାକୁ ପହଞ୍ଚିବେ ସେଥିପାଇଁ ଦୃଢୋକ୍ତି ପ୍ରକାଶ କରିଛନ୍ତି । ଆଜିର ଏହି ଉଦ୍ଘାଟନ ପର୍ବରେ ଓଡ଼ପଡା ବ୍ଲକ ସଭାପତି ଲକ୍ଷ୍ମଣ ନାୟକ, ସୁଚିତ୍ରା ସାହୁ, ପ୍ରଫେସର ବିଶ୍ୱନାଥ ମହାପାତ୍ର, ବିରଜା ପଟ୍ଟନାୟକ, ନିର୍ମଳ ମହାପାତ୍ର, ବିନୟ ସାହୁ, ସନାତନ ନାୟକ, ଡ଼ମ୍ବୁରୁଦ୍ଧର ନାୟକ, ସଂଧ୍ୟାରଣୀ ସାହୁ, ବିନି ପଳେଇ, ଦେବନନ୍ଦ ହୋତାଙ୍କ ସମେତ 50ରୁ ଉର୍ଦ୍ଧ୍ବ କର୍ମକର୍ତ୍ତା ଉପସ୍ଥିତ ଥିଲେ ।
