ନୂଆଦିଲ୍ଲୀ: ଦେଶରେ ଏବେ କୋରୋନା ଆକ୍ରାନ୍ତଙ୍କ ସଂଖ୍ୟା ୨ଲକ୍ଷ ୩୬ ହଜାର ୬୫୭ରେ ପହଞ୍ଚିଛି । ଆକ୍ରାନ୍ତଙ୍କ ସଂଖ୍ୟାରେ ପଛରେ ପଡ଼ିଯାଇଛି ଇଟାଲୀ । ଟପ୍-୬କୁ ପଳାଇ ଆସିଛି ଭାରତ । ବର୍ତ୍ତମାନର ସ୍ଥିତି ଦେଖି ମନେହେଉଛି, ଖୁବଶୀଘ୍ର ୟୁକେ ଏବଂ ସ୍ପେନକୁ ମଧ୍ୟ ଭାରତ ଅତିକ୍ରମ କରିଯିବ । ତାଲିକାରେ ଟପ-୧ରେ ଥିବା ଆମେରିକାରେ ଆକ୍ରାନ୍ତଙ୍କ ସଂଖ୍ୟା ୨୦ ଲକ୍ଷ ଆଡ଼କୁ ଅଗ୍ରସର କରୁଛି ।
ଭାରତରେ ଗତ ୨୪ ଘଣ୍ଟା ମଧ୍ୟରେ ୯୮୮୭ଟି ନୂଆ ମାମଲା ସାମ୍ନାକୁ ଆସିଛି । ସେହିପରି ୨୯୪ ଜଣଙ୍କ ମୃତ୍ୟୁ ହୋଇଛି । ଏବେ ସମୁଦାୟ ୨ଲକ୍ଷ ୩୬ ହଜାର ୬୫୭ ଆକ୍ରାନ୍ତଙ୍କ ମଧ୍ୟରୁ ୬୬୪୨ ଜଣଙ୍କ ମୃତ୍ୟୁ ହେଲାଣି । ସେହିପରି ୧ଲକ୍ଷ ୧୪ହଜାର ୭୩ ଜଣ ଆକ୍ରାନ୍ତ ସୁସ୍ଥ ହେଲେଣି । ଏବେ ୧ଲକ୍ଷ ୧୫ ହଜାର ୯୪୨ଟି ଆକ୍ସିଭ କେସ ରହିଛି ।
