ନୂଆଦିଲ୍ଲୀ : କରୋନା ଭୂତାଣୁ ସଂକ୍ରମଣରେ ବଲିଉଡର ଚଳଚ୍ଚିତ୍ର ନିର୍ମାତା ଅନିଲ ସୁରିଙ୍କର ପରଲୋକ ହୋଇଛି। ତାଙ୍କୁ ୭୭ବର୍ଷ ହୋଇଥିଲା। ଜୁନ୍ ୨ରେ ଅନିଲ ଜ୍ବରରେ ପୀଡିତ ହୋଇଥିଲେ। ୩ ତାରିଖରେ ସ୍ବାସ୍ଥ୍ୟାବସ୍ଥା ଜଟିଳ ହେବାରୁ ତାଙ୍କୁ ଲୀଲାବତି ଓ ହିନ୍ଦୁଜା ହସ୍ପିଟାଲକୁ ନିଆଯାଇଥିଲା; ମାତ୍ର ସେଠାରେ ଚିକିତ୍ସିତ ହେବା ଲାଗି ତାଙ୍କୁ ଶଯ୍ୟା ମିଳି ନଥିଲା। ଗୁରୁବାର ସନ୍ଧ୍ୟାରେ ତାଙ୍କର ପରଲୋକ ହୋଇଥିଲା। ଶୁକ୍ରବାର ସକାଳେ ତାଙ୍କର ଅନ୍ତିମ ସଂସ୍କାର କରାଯାଇଛି। କର୍ମଯୋଗୀ, ରାଜ ତିଲକ ଭଳି ପ୍ରମୁଖ ଚଳଚ୍ଚିତ୍ରର ନିର୍ମାତା ଥିଲେ ଅନିଲ ସୁରି।
