ଗୁଣୁପୁର,୧୮।୧୦: (ସିଦ୍ଧାର୍ଥ ଦାଶ) ଗୁଣୁପୁର ମୂଲ୍ୟବାନ ଶାଗୁଆନ କାଠ ଚୋରା ଚାଲାଣ ହେଉଥିବା ବେଳେ ଗୁଣୁପୁର ବନବିଭାଗ ଦ୍ଵାରା ଜବତ କରାଯାଇଛି । ଏକ ମ୍ୟାକ୍ସ ପିକଅପ ଭ୍ୟାନରେ ପୁଟାସିଂ ଅଞ୍ଚଳରୁ ଗୁଣୁପୁର ଆସୁଥିବା ବେଳେ ବିକ୍ରମପୁର ଠାରେ ବନ ବିଭାଗ ଚଢ଼ାଉ କରାଯାଇ ଉକ୍ତ ଭ୍ୟାନକୁ ଜବତ କରାଯାଇଥିଲା । ଭ୍ୟାନରୁ 26 ଖଣ୍ଡ ମୂଲ୍ୟବାନ ଶାଗୁଆନ କାଠ ଜବତ କରାଯିବା ସହ ଗାଡ଼ି ମାଲିକ ଥୋମାସ ଶବର ଓ ଚାଳକ ଆବ୍ରାହମ ଶବରଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଥିବା ଗୁଣୁପୁର ରେଞ୍ଜର ସୂଚନା ଦେଇଛନ୍ତି । ଏହି ଚଢ଼ାଉରେ ଫରେଷ୍ଟର ନୀଳମାଧବ ପାଢ଼ୀ, ଶିବ ମହାପାତ୍ର, ପୂର୍ଣ୍ଣ ଜେନା ପ୍ରମୁଖ ସାମିଲ ଥିଲେ । ଏହିଭଳି ଚଢ଼ାଉ ଆଗମୀ ଦିନରେ ଜାରୀରହିବ ବୋଲି ରେଞ୍ଜର ପ୍ରକାଶ କରିଥିଲେ ।
