ଢେଙ୍କାନାଳ,୨୬।୦୮: କାଲିଠାରୁ ଢେଙ୍କାନାଳ ସହର ୪ ଦିନ ପାଇଁ ଶଟ୍ଡାଉନ୍ ରହିବ। ୨୭ ଓ ୨୮ ତାରିଖରେ ଢେଙ୍କାନାଳ ମ୍ୟୁନିସିପାଲିଟି ଅଞ୍ଚଳର ୨୩ଟି ୱାର୍ଡ ସମେତ ପୂରା ସହର ଶଟ୍ଡାଉନ୍ ରହିବ। ୨୯ ଓ ୩୦ ତାରିଖ ହେଉଛି ସପ୍ତାହାନ୍ତ ଶଟ୍ଡାଉନ୍। ଆଜି ଢେଙ୍କାନାଳ ଜିଲ୍ଲାରୁ ୬୭ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସେଥିମଧ୍ୟରେ ଢେଙ୍କାନାଳ ମ୍ୟୁନିସିପାଲିଟି ଅଞ୍ଚଳର ୧୬ ଜଣ ଅଛନ୍ତି।ଢେଙ୍କାନାଳ ଜିଲ୍ଲାରେ ୧୨୯୬ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୯୨୭ ଜଣ ସୁସ୍ଥ ହୋଇସାରିଲେଣି। ୩୬୭ ଜଣ ଚିକିତ୍ସାଧୀନ ଅଛନ୍ତି। ସେହିପରି ୨ ଜଣଙ୍କ ମୃତ୍ୟୁ ଘଟିଛି।
