ବାଣପୁର, ୧୬/୦୮: ବରୁଣାଇ ସେବା ସଂଘ, ନନ୍ଦପୁର ପକ୍ଷରୁ ୭୪ ତମ ସ୍ୱାଧୀନତା ଦିବସ କୁ କୋଭିଡ-୧୯ ର ନିୟମ ପାଳନ କରି ଅନୁଷ୍ଠିତ ହୋଇଯାଇଛି । ସଂଘର ସଦଶ୍ୟ ମାନେ ଚିନ୍ତା କଲେ ସ୍ୱାଧୀନତା ଦିବସ କୁ କିପରି ନିଆରା ଢଙ୍ଗରେ ପାଳନ କରିହେବ l ଦିନକୁ ଦିନ ପରିବେଶ ଦୂଷିତ ହେବାକୁ ଲାଗୁଛି, ପରିବେଶ ସବୁଜ ସୁନ୍ଦର ଓ ତାର ସୁରକ୍ଷା ପାଇଁ ସଂଘର ସଭାପତି ଶକ୍ତିମାନ ପଣ୍ଡା ଏବଂ ସଂପାଦକ ସୌମ୍ୟରଞ୍ଜନ ପଣ୍ଡାଙ୍କ ନେତୃତ୍ଵରେ ବୃକ୍ଷକୁ ବନ୍ଧୁ ଭାବରେ ସାଙ୍ଗ କରିବା ପାଇଁ ଯୁବ ସମାଜକୁ ଅନୁସରଣ କରିବା ପାଇଁ କହିଛନ୍ତି, ସଂଘର ସଭ୍ୟ ସନ୍ତୋଷ ପଣ୍ଡା, ନାରାୟଣ ପଣ୍ଡା, ରାମ ଲେଙ୍କା, ଅଶୋକ ପ୍ରଧାନ, ଆଲୋକ ପରିଡା ଏବଂ ସମସ୍ତ ସଭ୍ୟ ଦାୟିତ୍ଵ ନେଇ ଗ୍ରାମର ରାସ୍ତା, ପୋଖରୀ, ମଶାଣିରେ ସଫେଇ କରିଛନ୍ତି ଓ ତତ୍ ସହିତ ଗ୍ରାମର ପୋଖରୀ ବନ୍ଧ ଓ ମଶାଣିରେ ବୃକ୍ଷ ରୋପଣ ମଧ୍ୟ କରିଛନ୍ତି । ବର୍ତ୍ତମାନ ସଟଡାଉନ ଚାଲିଥିବା ବେଳେ ପ୍ରଶାସନକୁ ଗ୍ରାମ କୁ ବିଶୋଧନ କରିବା ପାଇଁ ବାରମ୍ବାର ଅନୁରୋଧ କରିବା ପରେ ପ୍ରଶାସନ କର୍ଣ୍ଣ ପାତ ନ କରିବାରୁ ଉକ୍ତ ସଦସ୍ୟ ମାନେ ନିଜ ଖର୍ଚ୍ଚରେ ସଂପୂର୍ଣ୍ଣ ଗ୍ରାମକୁ ବିଶୋଧନ ମଧ୍ୟ କରିଛନ୍ତି । ଏ ଭଳି କାର୍ଯ୍ୟ କୁ ସାଧାରଣ ରେ ପ୍ରଶ॰ସା କରାଯାଉଛି ।
