ଦାରିଙ୍ଗବାଡି,୨/୯(ତରଣୀ ସାହୁ): ଦାରିଙ୍ଗବାଡି ଥାନା ଅଂଚଳର ଜଣେ ନାବାଳିକା ଛାତ୍ରୀ ଙ୍କୁ ଦୁଷ୍କର୍ମ କରିବା ଅଭିଯୋଗରେ ଜଣେ ଯୁବକ ଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ରମେଶ ପ୍ରଧାନ ସୂଚନା ଦେଇଛନ୍ତି । ପୋଲିସ ଏନେଇ ମାମଲା ନମ୍ୱର ୧୪୪/୨୪ ରୁଜୁ କରି ଏସଆଇ ଲକ୍ଷ୍ମୀ ମାଝୀ ଏହାର ତଦନ୍ତ କରୁଛନ୍ତି । ଗିରଫ ଯୁବକ ଜଣଙ୍କ ହେଲେ ଦାରିଙ୍ଗବାଡି ଥାନା ଅନ୍ତର୍ଗତ ପାଙ୍ଗାଲି ଗ୍ରାମର ହର୍ମୀ ମଲିକ (୨୬) । ଅଭିଯୋଗ ପ୍ରକାରେ ,ନାବାଳିକା ଜଣଙ୍କ ରବିବାର ଦିନ ୧୨ ଟା ସମୟ ରେ ଦାରିଙ୍ଗବାଡି ବଜାର କୁ ଡ୍ରେସ୍ କିଣିବାକୁ ଆସିଥିବା ବେଳେ ସମ୍ପର୍କୀୟ ମଉସା ହର୍ମି ମଲିକ ଅଟୋ ଧରି ପାଖକୁ ଆସି ଘରେ ଛାଡ଼ି ଦେବୀ ବୋଲି ଜବରଦସ୍ତ କହିଥିଲେ । ଏହା ପରେ ନାବାଳିକା ଜଣଙ୍କ ଅଟୋ ରେ ବସିଥିଲେ । ହେଲେ ନାବାଳିକା ଜଣଙ୍କୁ ହର୍ମୀ ଘରେ ଛାଡ଼ିବା ବଦଳରେ ପାଙ୍ଗାଲୀ ଆଡେ ନେଇ ଏକ ନିଛାଟିଆ ସ୍ଥାନରେ ଭୟଭୀତ କରାଇ ବାରମ୍ବାର ଦୁଷ୍କର୍ମ କରିଥିଲେ । ଏହାପରେ କାହାରି କୁ ନକହିବା ଧମକ ମଧ୍ୟ ଦେଇଥିଲେ । ଯଦି କାହାରି କୁ ଘଟଣା ସମ୍ପର୍କ ରେ କହିବ ତାହାଲେ ନାବାଳିକା ଙ୍କୁ ହତ୍ୟା କରିବ ବୋଲି କହି ନାବାଳିକା ଘର ପାଖରେ ଆଣି ଅଟୋ ରେ ଛାଡ଼ି ଦେଇ ଚାଲି ଯାଇଥିଲା । ଏହା ପରେ ନାବାଳିକା ଜଣଙ୍କ ସେ ତାଙ୍କ ମାଇଁ, ମାମୁଁ, ଆଇ ଙ୍କୁ ଘଟଣା ସମ୍ପର୍କରେ ଜଣାଇବା ସହ ଦାରିଙ୍ଗବାଡି ଥାନାରେ ଏତଲା ଦେଇଥିଲେ । ପୋଲିସ ଅଭିଯୋଗ ପାଇବା ପରେ ଦୁଷ୍କର୍ମକାରୀ ହର୍ମି ମଲିକ ଙ୍କୁ ଗିରଫ କରିଥିଲା । ନାବାଳିକା ଜଣଙ୍କ ଅଷ୍ଟମ ଶ୍ରେଣୀରେ ପଢ଼ୁଥିବା ଜଣା ପଡ଼ିଛି । ଅଭିଯୁକ୍ତ ହର୍ମି ମଲିକ ଙ୍କୁ ଫାଶୀ ଦଣ୍ଡ ଦେବାକୁ ପରିବାର ଦାବି କରିଛନ୍ତି
