ବାଲୁଗାଁ ୨୬/୦୬: ଗଞ୍ଜାମ ଜିଲ୍ଲା ରେ କାରୋନା ମହାମାରୀ ବଢି ଚାଲିଛି, ଏହା କୁ ଦେଖି ବ୍ରହ୍ମପୁର ସହରକୁ ୪ ଦିନ ପାଇଁ ସଟଡାଉନ୍ କରାଗଲା। ଏପଟେ ଖୋର୍ଦ୍ଧା ଜିଲ୍ଲା ରେ କରୋନା ରୋଗୀଙ୍କ ସଂଖ୍ୟା ଲଗାତାର ବଢ଼ିବାରେ ଲାଗିଛି | ଅନ୍ୟପଟେ ଅମାନିଆ ମାତିଛନ୍ତି । କାହାରି ମନରେ କରୋନା କଟକଣା ନେଇ ଯେମିତି କାଣିଚିଏ ଡର ନାହିଁ । ନିୟମକୁ ପାଦରେ ଦଳି ବୁଲୁଛନ୍ତି ଅମାନିଆ ଶନିବାର ଓ ରବିବାର ସଟଡାଉନ୍ ଥିବାରୁ ଆଜି ବାଣପୁର ଓ ବାଲୁଗାଁ ବଜାର ରେ ପ୍ରବଳ ଭିଡ ଦେଖିବାକୁ ମିଳିଥିଲା । ଏବେ ବାଣପୁର ଓ ବାଲୁଗାଁ ବାସୀଙ୍କୁ ଭଗବାନ ଭରସା । ଦୈନିକ ଏଇ ଭଳି ଭିଡ ଦେଖାଦେଉଥିବାର ମିଳୁଛି । ବଜାରରେ ଆଉ ସାମାଜିକ କଟକଣା ରହୁ ନଥିବାର ନଜର ଆସୁଛି | ପ୍ରଥମେ ଜିଲ୍ଲା ପ୍ରଶାସନ ଫୁଲ୍ ଦମ୍ ଲଗାଇ ଦେଇଥିଲେ ମୁକାବିଲା ପାଇଁ । ହେଲେ ଏବେ କିଛି ନାହିଁ । ସହର ଚାରିଆଡ଼ ମୁକୁଳା । ସାଧାରଣ ରେ ଆଲୋଚନା ହେଉଛି ଢିଲା ମାରି ବସିଛି ପ୍ରଶାଶନ | ଯେଉଁ ଭଳି ଭାବରେ ଭିଡ ଦେଖା ଯାଉଛି ସଂକ୍ରମଣ ବଢିବାର ଆଶଙ୍କା ଦେଖା ଯାଉଛି |
