ବୌଦ୍ଧ:ଦେଶୀ ବନ୍ଧୁକ ସହ ବାଘ ଲୋମ ଓ ବିଭିନ୍ନ ମାରଣାସ୍ତ୍ର ଜବତ। ଜଣେ ଶିକାରୀ ଗିରଫ । ଗିରଫ ଅଭିଯୁକ୍ତ ହେଲା ହରଭଙ୍ଗା ଥାନା ବଡ଼ଖଜୁରୀ ଗ୍ରାମର ବିଶ୍ୱାମିତ୍ର ଯାନୀ। ସୂଚନା ଅନୁଯାୟୀ ଗତ କିଛି ଦିନ ହେବ ବୌଦ୍ଧ ଜିଲ୍ଲା ଶିକାରୀ ସକ୍ରିୟ ହେବା ସହିତ ବନ୍ୟ ଜନ୍ତୁ ଶିକାର କରି ଚମଡା ଓ ଦାନ୍ତ ଚାଲାଣ ବ୍ୟାପକ ମାତ୍ରାରେ ହେଉଥିବା ନଜରକୁ ଆସୁଛି । ଏନେଇ ବୌଦ୍ଧ ବନବିଭାଗ ଓ କୁସଙ୍ଗ ବନ୍ୟପ୍ରାଣୀ ବିଭାଗ ପକ୍ଷରୁ ଏକ ମିଳିତ ଚଢ଼ାଉ ବନ୍ୟପ୍ରାଣୀ ଥିବା ଅଂଚଳରେ କରାଯାଇଛି । ଆଜି ଉଭୟ ବିଭାଗ ପକ୍ଷରୁ ହରଭଙ୍ଗା ଥାନା ବଡଖଜୁରୀ ଗାଁରେ ଚଢ଼ାଉ କରାଯାଇ ବିଶ୍ଵାମିତ୍ର ଯାନୀଙ୍କ ଘରୁ ଦେଶୀ ବନ୍ଧୁକ ସହ ବାଘ ଲୋମ, କଟୁରି, ଭୁଜାଲି, ୨ ଟି ଟାଙ୍ଗିଆ ଆଦି ଜବତ କରିବା ସହ ବିଶ୍ଵାମିତ୍ରଙ୍କୁ ଗିରଫ କରିଛି ବନବିଭାଗ । ତେବେ ଅଧିକ ତଦନ୍ତ ଚାଲୁଥିବା ବିଭାଗ ପକ୍ଷରୁ ସୂଚନା ମିଳିଛି।
