ଟାଙ୍ଗୀ:-୦୫/୧୨(ବିନୁ ଦାସ୍):-ଆଜି ସନ୍ଧ୍ୟାରେ ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ ଟାଙ୍ଗୀ ବ୍ଲକ ଛକରେ ଘଟିଯାଇଛି ସଡ଼କ ଦୁର୍ଘଟଣା।ଦୁଇଟି ବାଇକ୍ ମୁହାଁମୁହିଁ ଧକ୍କା ହେବା ଫଳରେ ଜଣେ ମୃତ୍ୟୁ ବରଣ କରିଥିବା ବେଳେ ଦୁଇଜଣ ଗୁରୁତର ଥିବାର ଜଣାପଡିଛି।ମୃତକ ଜଣକ ନୟାଗଡ଼ ଜିଲ୍ଲା ଟାଙ୍ଗୀ/ଚାନ୍ଦପୁର ନିକଟସ୍ଥ କେରଣ୍ଡାଟାଙ୍ଗୀ ଅଞ୍ଚଳର ବୃନ୍ଦାବନ ବିହାରୀପୁର ଗ୍ରାମର ସନ୍ତୋଷ କୁମାର ରାଉତରାୟ ଯିଏକି ନିକଟସ୍ଥ ଚମ୍ପାପେଡି ଗ୍ରାମ ପ୍ରାଥମିକ ବିଦ୍ୟାଳୟ ର ଶିକ୍ଷକତା କରୁଥିଲେ । ଆହତ ଦୁହେଁ ଖୋର୍ଦ୍ଧା ଜିଲ୍ଲା ଟାଙ୍ଗୀ ଗ୍ରାମର ଆଲୋକ କଳସ ଏବଂ ରାଜା ବେହେରା । ଟାଙ୍ଗୀ ବ୍ଲକ ଛକରେ ଘଟିଛି ଏହି ମର୍ମନ୍ତୁଦ ଦୁର୍ଘଟଣା । ଆହତ ମାନଙ୍କୁ ଚିକିତ୍ସା ପାଇଁ ପ୍ରଥମେ ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଏବଂ ପରେ ଭୁବନେଶ୍ୱର ସ୍ଥାନାନ୍ତରିତ କରାଯାଇଛି।ଘଟଣା ସ୍ଥଳରେ ଟାଙ୍ଗୀ ପୋଲିସ ପହଞ୍ଚି ପ୍ରାଥମିକ ତଦନ୍ତ ଆରମ୍ଭ କରିଛି।ସ୍ଥାନୀୟ ଅଞ୍ଚଳରେ ଶୋକକୁଳ ପରିବେଶ ସୃଷ୍ଟି କରିଛି।
