କାଳୁପଡ଼ା ଘାଟ:-୦୧/୧୨(ବିନୁ ଦାସ୍):- ଆଜି ସକାଳ ଛଅଟା ବେଳେ ପୂର୍ବତଟ ରେଳବାଇ ଅନ୍ତର୍ଗତ କାଳୁପଡ଼ା ଘାଟ ରେଳଷ୍ଟେସନ ଠାରେ କୋରାପୁଟ-ଭୁବନେଶ୍ୱର ହୀରାଖଣ୍ଡ ଏକ୍ସପ୍ରେସ କୁ ଚଢ଼ିବାକୁ ଯାଉଥିବା ସମୟରେ ନିଜର ଅସାବଧାନତା ହେତୁ ରେଳଧାରଣା ଅତିକ୍ରମ କରୁଥିବା ବେଳେ ହୀରାଖଣ୍ଡ ଏକ୍ସପ୍ରେସ ଧକ୍କା ଦେଇଥିଲା।ଯାହା ଫଳରେ ଘଟଣା ସ୍ଥଳରେ କାଳୁପଡ଼ା ଘାଟ ଅଞ୍ଚଳର ବରୁଣପଡ଼ା ଶଙ୍ଖ ସାହି ନିବାସୀ ଅଇଁଠା ଘଡ଼ାଇ ଙ୍କର ପୁତ୍ର ଚିତ୍ତରଞ୍ଜନ ଘଡ଼ାଇ(ବୁବୁ) ଗୁରୁତର ଆହତ ହୋଇଛନ୍ତି।ଦୁର୍ଘଟଣା ସ୍ଥଳରେ ବୁବୁଙ୍କର ଗୋଡ଼ ଟି କିଛି ମିଟର ଦୂରରେ ପଡିଥିଲା।
ଘଟଣା ସ୍ଥଳରେ ରେଳ ସୁରକ୍ଷା ବଳ ଯବାନ ଏବଂ ରେଳବାଇ କର୍ମଚାରୀ ରେଳଧାରଣା ରୁ ଗୁରୁତର ଆହତ ଅବସ୍ଥାରେ ଉଦ୍ଧାର କରିଥିଲେ।ପରବର୍ତ୍ତୀ ସମୟରେ ଟାଙ୍ଗୀ ଦମକଳ ବାହିନୀ ସହାୟତା ରେ ଗୁରୁତର ଚିତ୍ତରଞ୍ଜନ କୁ ପ୍ରଥମେ ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅବସ୍ଥା ଗୁରୁତର ଥିବାରୁ ଭୁବନେଶ୍ୱର ଏମ୍ସ ଡାକ୍ତରଖାନା କୁ ସ୍ଥାନାନ୍ତର କରାଯାଇଛି।ଆହତ ଚିତ୍ତରଞ୍ଜନ ର ମୁଣ୍ଡରେ ଆଘାତ ଲାଗିଥିବା ବେଳେ ଗୋଡ଼ଟି କଟିଯାଇଛି ଏଭଳି ଦୁଃଖଦ ଖବର ଶୁଣି ସ୍ଥାନୀୟ ଅଞ୍ଚଳରେ ଦୁଃଖ ପରିବେଶ ସୃଷ୍ଟି ହୋଇଥିବା ବେଳେ ସରକାରୀ ସହାୟତା ସହ ଉନ୍ନତ ଚିକିତ୍ସା ଯୋଗେଇଦେବାକୁ ସାଧାରଣ ରେ ଦାବି ହୋଇଛି।
