ଟାଙ୍ଗୀ:-୧୮/୧୦(ବିନୁ ଦାସ୍):-ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅଧିନସ୍ଥ ଜାତୀୟ ରାଜପଥ ୧୬ ଉପରେ ଟାଙ୍ଗୀ ପୋଲିସ ପକ୍ଷରୁ ଚେକିଂ ଚାଲୁଥିବା ସମୟରେ ଏକ ହୋଣ୍ଡା ଶାଇନ୍ ଗାଡିକୁ ଅଟକ ରଖି ଗାଡିର କାଗଜପତ୍ର ଯାଞ୍ଚ କରିବାରୁ ଗାଡିର କାଗଜପତ୍ର ନଥିଲା।ଯାହା ଫଳରେ ପୋଲିସ ସନ୍ଦେହ ଘେରକୁ ନେଇ ଅଧିକ ତଦନ୍ତ କରିବାରୁ ଗାଡିଟି ଚୋରା ଗାଡ଼ି ବୋଲି ଜାଣିପାରିଥିଲା।ଏ ବାବଦରେ ଟାଙ୍ଗୀ ଥାନାଧିକାରୀ ବିଜୟ ମଲ୍ଲିକ ଏବଂ ଗଠିତ ଏକ ଟିମ୍ ଅଧିକ ତଦନ୍ତ କରି ଆଉ ଦୁଇଟି ଚୋରା ଗାଡି ମଧ୍ୟ ଜବତ କରିଥିବାର ସୂଚନା ଦେଇଛନ୍ତି।ସୂଚନା ମୁତାବକ ଟାଙ୍ଗୀ ଥାନା ଅନ୍ତର୍ଗତ ସୋରଣ ନରହରି ସାହି ନିବାସୀ ପ୍ରକାଶ ବେହେରା(୨୮) ଏବଂ ଦିଲୀପ ବେହେରା (୨୦) ଯୁବକ ଦୁହିଁଙ୍କୁ ଟାଙ୍ଗୀ ଥାନା କେଶ୍ ନମ୍ବର ୪୦୦ ୩୭୯/୩୪ ଆଇପିସି ଧାରା ଅନୁସାରେ ମାମଲା ରୁଜୁ କରି ଓଆର-୦୨ ବିଜେଡ଼୍ ୮୧୬୭ ନମ୍ବର ବିଶିଷ୍ଟ ହୋଣ୍ଡା ଶାଇନ୍,ଓଆର୍ ୦୨ ବିଡି-୦୨୫୯ ନମ୍ବର ବିଶିଷ୍ଟ ହିରୋ ହୋଣ୍ଡା ଗ୍ଲାମର ଏବଂ ଓଆର୍-୨୫-୮୦୮୭ ବଜାଜ୍ ପ୍ଲାଟିନା ଗାଡ଼ି ଜବତ କରିବାରେ ସଫଳ ହୋଇଛି ଟାଙ୍ଗୀ ପୋଲିସ।ଅପର ପକ୍ଷରେ ଚୋରା ଗାଡ଼ି କିଣିଥିବା ଗ୍ରାହକଙ୍କୁ ମଧ୍ୟ ଧରିଛି ପୋଲିସ।ଏହିଭଳି ଚଢ଼ାଉ ଫଳରେ ଗାଡି ଚୋର ରାକେଟ ଟିକେ ଦବି ଯାଇଥିବା ବେଳେ ତଥାପି ଟାଙ୍ଗୀ,କାଳୁପଡ଼ା ଘାଟ, ସୋରଣ କୁହୁଡି ଅଞ୍ଚଳରେ ମଧ୍ୟ ବହୁ ଚୋରା ଗାଡି ରହିଥିବାର ସୂଚନା ମିଳିଛି ।
