ରାଜଗାଙ୍ଗପୁର,(ମନୋଜ ଭୋଳଙ୍କ ରିପୋର୍ଟ):-ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ବ୍ଲକ ଅନ୍ତର୍ଗତ ଲାଇଙ୍ଗ ଠାରେ ଗତ କାଲି ମୋଟର ସାଇକେଲ ଧକ୍କା ରେ ଜଣେ ସାଇକେଲ ଆରୋହି ଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ସୂଚନା ଅନୁଯାୟୀ ଗତ କାଲି ଲାଇଙ୍ଗ କୁମ୍ଭାର ପଡା ଅଞ୍ଚଳ ର ରବୀନ୍ଦ୍ର ଗୌଡ଼ ନାମକ ଜଣେ ବ୍ୟକ୍ତି ସାଇକେଲ ଯୋଗେ ଘୋଗର ରୁ ଘରକୁ ଫେରୁଥିବା ବେଳେ ତାଙ୍କୁ ଏକ ମଟର ସାଇକେଲ ଧକ୍କା ଦେବା ଫଳରେ ସେ ଛିଟିକି ତଳେ ପଡିବା ଫଳରେ ତାଙ୍କ ମୁଣ୍ଡ ରେ ଶକ୍ତ ଆଘାତ ଲାଗିଥିଲା। ମୋଟର ସାଇକେଲ ଟି ତାଙ୍କୁ ଧାକ୍କା ଦେଇ ସେ ସ୍ଥାନରୁ ଚାଲି ଯାଇଥିଲା। ସ୍ଥାନୀୟ ଲୋକ ଙ୍କ ସହାୟତା ରେ ତାଙ୍କୁ ଉଦ୍ଧାର କରାଯାଇ 108 ଆମ୍ବୁଲାନ୍ସ ଯୋଗେ ତାଙ୍କୁ ଲାଇଙ୍ଗ ସରକାରୀ ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ର କୁ ଚିକିସ୍ୟା ପାଇଁ ପଠା ଯାଇଥିଲା। ସେଠାରେ ତାଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ତାଙ୍କୁ ରାଉଲକେଲା ସରକାରୀ ସ୍ୱାସ୍ଥ୍ୟ କେନ୍ଦ୍ର କୁ ପଠା ଯାଇଥିବା ବେଳେ ସେଠାରେ ତାଙ୍କ ମୃତ୍ୟୁ ହୋଇ ଥିବା ଜଣା ପଡ଼ିଛି। ଘଟଣା ଘଟିଥିବା ସ୍ଥାନ ରେ ଲୋକ ମାନଙ୍କ କହିବା ଅନୁଯାୟୀ ଧକ୍କା ଦେଇ ଥିବା ମୋଟର ସାଇକେଲ ଚାଳକ ହୃଷିକେଶ ଦଣ୍ଡ ସେନା ବୋଲି ଅନୁମାନ କରାଯାଉଛି। ପୋଲିସ ଘଟଣା ର ଅଧିକ ତଦନ୍ତ କରୁଅଛି।
