ରାଜଗାଙ୍ଗପୁର :-ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ସହର ସ୍ଥିତ ଷ୍ଟେସନ ପଦ ଟ୍ରାକ୍ସନ କଲୋନୀ ସମିପ ରେଳ ଲାଇନ ରେ ଆଜି ଏକ ବୃଦ୍ଧ ଙ୍କ ଟ୍ରେନ ରେ କଟି ମୃତ୍ୟୁ ହୋଇଥିବା ସୂଚନା ମିଳିଛି | ପ୍ରାପ୍ତ ସୂଚନା ଅନୁଯାୟୀ ରାଜଗାଙ୍ଗପୁର ସହର ସ୍ଥିତ ଷ୍ଟେସନ ପଡା ଟ୍ରାକ୍ସନ କଲୋନୀ ନିକଟସ୍ଥ ରେଳ ଲାଇନ ପୋଲ ସଂଖ୍ୟା ୪୪୩/୯ ଠାରେ ଏକ ବୃଦ୍ଧ ଙ୍କ ମୃତ ଦେହ ପଡିଥିବା ସୂଚନା ମିଳିଥିଲା | ଆଜି ଆଜାଦ ହିନ୍ଦ ଏକ୍ସପ୍ରେସ ଟ୍ରେନ ରାଜଗାଙ୍ଗପୁର ଷ୍ଟେସନ ଅତିକ୍ରମ କରିଥିବା ବେଳେ ଟ୍ରେନ ରେ ଜଣେ ବୃଦ୍ଧ କଟିଯାଇଥିବା ନେଇ ଆଜାଦ ହିନ୍ଦ ଏକ୍ସପ୍ରେସ ଡ୍ରାଇଭର ରାଜଗାଙ୍ଗପୁର ଷ୍ଟେସନ ମସ୍ତର ଙ୍କୁ ସୂଚନା ଦେଇଥିଲେ | ସୂଚନା ପାଇବା ପରେ ରେଲୱେ ପୋଲିସ ଘଟଣା ସ୍ଥଳରେ ପହଁଚିବା ପରେ ଟ୍ରାକ୍ସନ କଲୋନୀ ସମିମ ଠାରେ ଥିବା ରେଳ ଧାରଣା ରେ ବୃଦ୍ଧ ଙ୍କ ମୃତ ଦେହ ପଡିଥିବା ଦେଖିବାକୁ ମିଳିଥିଲା | ମୃତ ବୃଦ୍ଧ ଜଣକ ହେଉଛନ୍ତି ଷ୍ଟେସନ ପଡା ର ଟ୍ରାକ୍ସନ କଲୋନୀ ର ଗୌରାଙ୍ଗ ଗୌଡ଼ (୭୫) ବୋଲି ଜଣାପଡିଛି | ଘଟଣା ସ୍ଥଳରେ ମୃତ ବୃଦ୍ଧ ଙ୍କ ପୁଅ ପ୍ରଦୀପ ଗୌଡ଼ ପହଁଚି ଥିବା ବେଳେ କେମିତି ଏ ଦୁର୍ଘଟଣା ଘଟିଲା ତାହା ବର୍ତ୍ତମାନ ଅସ୍ପଷ୍ଟ ରହିଛି |ଏହାର ତଦନ୍ତ ଚାଲୁଥିବା ବେଳେ ମୃତ ଦେହ କୁ ବ୍ୟବଛେଦ ପାଇଁ ପଠାଯାଇଛି | ବ୍ୟବଛେଦ ପରେ ମୃତ ଦେହ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ସୂଚନା ମିଳିଛି।
