ବାଣପୁର:-୧୩/୦୮(ବିପ୍ଲବ ନ୍ୟୁଜ):- ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳରେ ଘଟିଯାଇଛି ବିଭତ୍ସ ହତ୍ୟାକାଣ୍ଡ । ବାଣପୁର ଥାନା ଅନ୍ତର୍ଗତ କୁମାରାଙ୍ଗ ପଞ୍ଚାୟତ ଝିଣ୍ଟିକାପଲ୍ଲି ଗ୍ରାମର କେନାଲ ହୁଡ଼ାରେ ପଡିଛି ଯୁବକଙ୍କ ମୃତଦେହ । ଝୀଂଟିକା ପଲ୍ଲୀ ଗ୍ରାମର ୪୫ ବର୍ଷୀୟ କାଁହୁ ଚରଣ ପରିଡା ନାମକ ଜଣେ ବ୍ୟକ୍ତିଙ୍କୁ ଅଜଣା ଆତତାୟୀ ଙ୍କର ଆକ୍ରମଣରେ ମୃତ୍ୟୁ ହୋଇଛି । ମୃତକ କାହ୍ନୁଙ୍କ ଶରୀରର ବିଭିନ୍ନ ସ୍ଥାନରେ କ୍ଷତ ଚିହ୍ନର ହଣା ଦାଗ ଦେଖିବାକୁ ମିଳୁଛି । କାହ୍ନୁଙ୍କୁ ହତ୍ୟା ପରେ ମୃତ ଦେହକୁ କେନାଲ ବନ୍ଧ ହୁଡ଼ାରେ ଫୋପାଡି ଦେଇଥିବାର ଦେଖିବାକୁ ମିଳୁଛି ।
ପ୍ରାପ୍ତ ସୂଚନା ମୁତାବକ ଶୁକ୍ରବାର(ଆଜି) ସକାଳୁ ଏ ନେଇ ମୃତକ କାହ୍ନୁର ପତ୍ନୀ ବାଣପୁର ଥାନାରେ ଅଭିଯୋଗ କରିବାରୁ ବର୍ତ୍ତମାନ ଘଟଣାସ୍ଥଳରେ ବାଣପୁର ଆଇଆଇସି ସଦଳବଳେ ପହଞ୍ଚି ହତ୍ୟାକାଣ୍ଡର ତଦନ୍ତ ଜାରି ରଖିଛନ୍ତି । ଉକ୍ତ ହତ୍ୟାକାଣ୍ଡଟି ପୂର୍ବ ଶତ୍ରୁତାକୁ ନେଇ ହୋଇଥିବାର ସନ୍ଦେହ କରାଯାଉଥିବାବେଳେ ପୋଲିସ ତଦନ୍ତ ଆରମ୍ଭ କରିଛି । ବର୍ତ୍ତମାନ ସୁଦ୍ଧା ହତ୍ୟାକାରୀ କିଏ ଜଣାପଡିନାହିଁ।
ସୂଚନା ଥାଉକି ୦୩।୦୭।୨୦୨୦ରେ କାହ୍ନୁଙ୍କ ଉପରେ ଗୁଳି ମାଡ କରି ହତ୍ୟା ଉଦ୍ୟମ ହୋଇଥିଲା କିନ୍ତୁ ସେ ଅଳ୍ପକେ ବର୍ତ୍ତି ଯାଇଥିଲେ
