ନୂଆନିଲ୍ଲୀ: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ସମ୍ବୋଧନ କରିଛନ୍ତି। ମୋଦି କହିଛନ୍ତି ଯେ, କରୋନାର ୨ୟ ଲହରରେ ଆମର ଲଢ଼େଇ ଜାରି ରହିଛି। ଅନେକ ନିଜର ପରିଜନ, ପରିଚିତଙ୍କୁ ହରାଇଛନ୍ତି, ମୁଁ ସେମାନଙ୍କ ସହ ଅଛି। ବିଗତ ଶହେ ବର୍ଷ ମଧ୍ୟରେ ଏହା ସବୁଠୁ ବଡ଼ ମହାମାରୀ। ଆମେ ପୂର୍ବରୁ ଏଭଳି ମହାମାରୀର ସାମ୍ନା କରି ନଥିଲୁ।
ମୋଦି କହିଛନ୍ତି, ଯଦି ଆମେ ଟୀକା ଉତ୍ପାଦନ କରିନଥାନ୍ତେ ତେବେ ଏବେ ଟୀକାକରଣ ଆରମ୍ଭ ହୋଇନଥାନ୍ତା ଆମ ଦେଶର ବୈଜ୍ଞାନିକମାନେ ଦେଖାଇ ଦେଲେ ଭାରତ ବି ବଡ ବଡ ଦେଶଠୁ କିଛି କମ ନୁହେଁ। ଆମର ବିଶ୍ୱାସ ଥିଲା ଆମ ବୈଜ୍ଞାନିକଙ୍କ ଉପରେ। ସେହି ବିଶ୍ୱାସ ହିଁ ସିଦ୍ଧିରେ ପରିଣତ ହେଲା
ଅଦୃଶ୍ୟ ମହାମାରୀ ସହ ଲଢେଇ ପାଇଁ କୋଭିଡ ନିୟମ ବଡ ଅସ୍ତ୍ର ମାସ୍କ, ସାମାଜିକ ଦୂରତା ସହ ଟୀକା ବଡ ବ୍ରହ୍ମାସ୍ତ୍ର ଆଗରୁ ବିଦେଶରୁ ଭ୍ୟାକ୍ସିନ ଆସିବାକୁ ସମୟ ଲାଗୁଥିଲା ମାତ୍ର ଏବେ ଆମେ ନିଜେ ନିଜ ଭ୍ୟାକ୍ସିନରେ ପ୍ରାଥମିକ ସ୍ତରରେ କରୋନା ସହ ଲଢୁଛୁ।
ଭାରତରେ ୨୩ କୋଟି ଲୋକଙ୍କୁ ଟୀକାକରଣ ହେଲାଣି। ଦୁଇଟି ଟୀକା ପରେ ଏବେ ନାଜାଲ ଭ୍ୟାକ୍ସିନ ଉପରେ ରିସର୍ଚ୍ଚ ଚାଲିଛି। ଯଦି ସବୁ ଠିକଠାକ ହୁଏ ଏହା ଛୁଞ୍ଚିରେ ନୁହେଁ ନାକରେ ଦିଆଯିବ। ମୋଦି କହିଛନ୍ତି ଯେ, କରୋନାର ୨ୟ ଲହରରେ ଆମର ଲଢ଼େଇ ଜାରି ରହିଛି। ଏଥିସହ ଦେଶବାସୀଙ୍କୁ ମାଗଣା ଟିକା ନେଇ ପ୍ରଧାନମନ୍ତ୍ରୀ ଘୋଷଣା କରିଛନ୍ତି।
୨୧ ଜୁନରୁ ମାଗଣା ଟିକା ପ୍ରଦାନ କରାଯିବ। ୧୮ ବର୍ଷରୁ ଅଧିକ ଲୋକଙ୍କୁ ମାଗଣାରେ ଭ୍ୟାକ୍ସିନ ଦିଆଯିବ ବୋଲି ପ୍ରଧାନମନ୍ତ୍ରୀ ଘୋଷଣା କରିଛନ୍ତି। କେନ୍ଦ୍ର ସବୁ ରାଜ୍ୟ ସରକାରଙ୍କୁ ମାଗଣାରେ ଟିକା ଦେବେ ଏବଂ ରାଜ୍ୟ ସରକାର ଗୋଟିଏ ବି ଟଙ୍କା ଟୀକା ବାବଦକୁ ଖର୍ଚ୍ଚ କରିବେନି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି।
