କାଳୁପଡ଼ା ଘାଟ: ୧୭/୦୫(ବିନୁ ଦାସ୍) ଖୋର୍ଦ୍ଧା ଜିଲ୍ଲା ପୋଲିସ ପକ୍ଷରୁ ଟାଙ୍ଗୀ ଥାନାରେ ନୂତନ ଥାନାଧିକାରୀ ମଙ୍ଗଳବାର ଦିନ ଯୋଗ ଦେବାର ସୂଚନା ମିଳିଛି। ପ୍ରାପ୍ତ ସୂଚନା ମୁତାବକ ବର୍ତ୍ତମାନ ଟାଙ୍ଗୀ ଥାନା ଅଧିକାରୀ ସରୋଜ ଉପାଧ୍ୟାୟଙ୍କର ଯାଜପୁର ଏସ୍ ଡିପିଓ ଭାବେ ପ୍ରମୋଶନ ସହ ବଦଳି ହୋଇଛି। ଟାଙ୍ଗୀ ଥାନା ଅଧିକାରୀ ବଦଳି ହେବା ସହ କେଉଁ ଦକ୍ଷ ଅଫିସର ଆସିବେ ବୋଲି ଦୀର୍ଘ ଦିନ ହେବ ଚାଲିଥିବା ଚର୍ଚ୍ଚାର ଅବସାନ ଘଟିଛି । ପରିଶେଷରେ ଯାଜପୁର ଜିଲ୍ଲାର ସୁଯୋଗ୍ୟ ସନ୍ତାନ ଏନ୍ କାଉଣ୍ଟର ସ୍ପେଶାଲିଷ୍ଟ ବିଜୟ କୁମାର ମଲ୍ଲିକ ଟାଙ୍ଗୀ ଥାନାର ନୂତନ ଆଇଆଇସି ଭାବେ ଯୋଗଦେବା ଶୁଣି ଅଞ୍ଚଳବାସୀଙ୍କ ମଧ୍ୟରେ ଆନନ୍ଦର ଲହରୀ ଖେଳିଯାଇଛି।
ନୂତନ ଆଇଆଇସି ବିଜୟ କୁମାର ମଲ୍ଲିକ ବେଗୁନିଆ ଥାନାରେ ଗତବର୍ଷ ରହିଥିବା ବେଳେ ଲୋକମାନଙ୍କୁ ନ୍ୟାୟ ପ୍ରଦାନ ହେଉ କି ଅଞ୍ଚଳରେ ଶାନ୍ତି ଶୃଙ୍ଖଳା ରକ୍ଷା ସବୁଥିରେ ପ୍ରିୟ ଭାଜନ ହୋଇପାରିଥିଲେ ଯାହାକି ବେଗୁନିଆ ବାସୀ ଆମ ପ୍ରତିନିଧିଙ୍କୁ ଜଣାଇଛନ୍ତି। ଅପରପକ୍ଷରେ ନାଚୁଣି ଫାଣ୍ଡି ଅଧିକାରୀ ଉମାକାନ୍ତ ସାହୁ କହିଛନ୍ତି କି ଗତବର୍ଷ ଖୋର୍ଦ୍ଧା ଜିଲ୍ଲା ପୋଲିସ ପକ୍ଷରୁ ବାଣପୁର ଅଞ୍ଚଳରେ ଯୋଗଦେଇ ନିଜର କର୍ତ୍ତବ୍ୟକୁ ସୁଚାରୁରୂପେ ନିଭାଇଛନ୍ତି ଏପରିକି ନିଜର କର୍ତ୍ତବ୍ୟ ଆଗରେ ନିରପେକ୍ଷତା ଅବଲମ୍ବନ କରିବା ହେଉ କି ଅସହାୟଙ୍କୁ ନ୍ୟାୟ ପ୍ରଦାନରେ କୌଣସି ଅବହେଳା କରିନାହାନ୍ତି।
କିଛି ଦିନ ତଳେ ବାଣପୁର ଥାନାରେ ଓଆଇସି ଭାବେ କାର୍ଯ୍ୟ କରୁଥିବା ବେଳେ ପ୍ରମୋଶନରେ ଜିଲ୍ଲା ମୁଖ୍ୟାଳୟକୁ ବଦଳି ହୋଇଥିଲା । ପରବର୍ତ୍ତୀ ସମୟରେ ଜିଲ୍ଲା ପ୍ରଶାସନ ପକ୍ଷରୁ ଶ୍ରୀ ମଲ୍ଲିକଙ୍କୁ ଟାଙ୍ଗୀ ଥାନାର ନୂତନ ଆଇଆଇସି ଭାବେ ପ୍ରମୋଶନ କରି ପଠାଇଛନ୍ତି । ଟାଙ୍ଗୀ,କାଳୁପଡ଼ା ଘାଟ, ସୋରଣ ଆଦି ଅଞ୍ଚଳବାସୀ ଧନ୍ୟବାଦ ଜଣେଇବା ସହ ଅଞ୍ଚଳରେ ଶାନ୍ତି ପ୍ରତିଷ୍ଠା ହୋଇପାରିବ ବୋଲି ଆଶା ରଖିଛନ୍ତି । ଟାଙ୍ଗୀ ମେଡିଆ ସେବା ସଙ୍ଘ ତରଫରୁ ସମସ୍ତ ସାମ୍ବାଦିକ ଶୁଭେଚ୍ଛା ଜଣାଇଛନ୍ତି ।
