ବାଣପୁର, ୨୦/୦୮: ଓଡିଶାରେ କରୋନା ଅତ୍ୟାଚାର କରୁଥିବା ବେଳେ ଏହି ସୁଯୋଗରେ ବେକାରୀ ଓ ବେରୋଜଗାରୀ ଏକ ବଡ ସମସ୍ୟା ହୋଇ ଛିଡା ହେଲାଣି । ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ ଦୁର୍ଗମ ମାଳ ଅଞ୍ଚଳର ଭାଲିଆପଡା ଛକଠାରେ ସତୃଘନ ସାହୁ ନାମକ ଜଣେ ଲୋକପ୍ରିୟ ତଥା ଆଞ୍ଚଳିକ ସମାଜ ସେବୀ ପରିବାର ପ୍ରତିପୋଷଣ ପାଇଁ ଦୋକାନ କରି ବ୍ୟବସାୟ କରନ୍ତି । ଗତକାଲି ରାତ୍ରି ବେଳା ସତୃଘନ ସାହୁ ବ୍ୟବସାୟୀକ ଦୋକୀନରେ କିଛି ଅସାମାଜିକ ଲୋକ ମାନେ ପଶି ଡକାୟତି କରି ବହୁ ଜିନିଷ ଟଙ୍କା ପଇସା ଆଦି ନେଇ ପଳାଇଛନ୍ତି । ଏହାସହିତ ଦୋକାନରେ ଲାଗିଥିବା ସିସି ଟିଭି ଓ ତତ୍ ସଲଗ୍ନ ସରଜାମ ସବୁ ଦୁର୍ବୁତ ମାନେ ନେଇଥିବା ବେଳେ ସବୁଠାରୁ ଉଦବେଗର ବିଷୟ ଦୋକାନ ମାଲିକଙ୍କୁ ମଧ୍ୟ ଅପହରଣ କରିଛନ୍ତି । ଖବର ଲେଖା ବେଳ ପର୍ଯ୍ୟନ୍ତ ଅପହରଣକର୍ତ୍ତାଙ୍କର କୌଣସି ସନ୍ଧାନ ମିଳିନଥିବା ବେଳେ ପୋଲିସ ଓ ଅନୁସନ୍ଧାନୀ କୁକୁର ଉକ୍ତ ସ୍ଥାନରେ ଅନୁସନ୍ଧାନ ଚଳାଇଛନ୍ତି ।
