ଠାକୁରଗଡ଼/ତା ୦୩.୧୦.୨୦୨୪/ଆଠମଲ୍ଲିକ ବିଧାନ ସଭା ନିର୍ବାଚନ ମଣ୍ଡଳୀ ଅନ୍ତର୍ଗତ ଠାକୁରଗଡ଼ ବିଜେପି ମଣ୍ଡଳ ସଭାପତି ଗଗନ ବିହାରୀ ବାରିକ୍ (୬୦) ଙ୍କ ଭୁବନେଶ୍ୱର ର ଏକ ଘରୋଇ ହସ୍ପିଟାଲରେ ଚିକିତ୍ସା ଧିନ ଅବସ୍ଥାରେ ଗୁରୁବାର ଅପରାହ୍ନ ରେ ପରଲୋକ ଘଟିଛି।। ସେ ଦୀର୍ଘଦିନ ହେଲା କିଡନୀ ରୋଗରେ ପୀଡିତ ଥିଲେ। ଆମ୍ବସର୍ ମୁଣ୍ଡା ସ୍ଥିତ ଘରେ ସ୍ବର୍ଗତ ବାରିକ୍ ଙ୍କ ମରଶରୀର ପହଁଚିବା ପରେ ସ୍ଥାନୀୟ ଗ୍ରାମବାସୀ, ପରିବାର ଲୋକ ଓ ରାଜନୈତିକ ବ୍ୟକ୍ତି ବିଶେଷ ଶେଷ ଶ୍ରଦ୍ଧା ସୁମନ ଅର୍ପଣ କରିଥିଲେ। ବିଜେପି ନେତା ତଥା ପୂର୍ବତନ ବିଧାୟକ ରମେଶ ଚନ୍ଦ୍ର ସାୟ, ପୂର୍ବତନ ମନ୍ତ୍ରୀ ସଞ୍ଜୀବ କୁମାର ସାହୁ, ଜିଲ୍ଲା ବିଜେପି ସଭାପତି ଦିଲେଶ୍ୱର୍ ସାହୁ, ଉପସଭାପତି ଅର୍ଜୁନ କୁମାର ସାହୁ, କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରମୁଖ ଗଭୀର ଶୋକ ବ୍ୟକ୍ତ କରିବା ସହ ଶୋକ ସାନ୍ତପ୍ତ ପରିବାର କୁ ସମବେଦନା ଜଣାଇଛନ୍ତି। ସ୍ବର୍ଗତ ବାରିକ୍ ଷୋଳ ପଦା ଅଞ୍ଚଳରେ ଜଣେ ଦରଦୀ ମଣିଷ ଭାବେ ବେଶ୍ ଜଣାଶୁଣା ଥିଲେ।
