ଆଜି ବଜରଙ୍ଗ ଦଳ ବୋଲଗଡ ପ୍ରଖଣ୍ଡ ତରଫରୁ ସଂଯୋଜକ ଇତେଶ କୁମାର ବେହେରାଙ୍କ ଆବାହକତ୍ବରେ ବୋଲଗଡ ଗଣେଶ ବଜାର ଠାରେ ସଙ୍ଗଠନ ନିମନ୍ତେ ଏକ କାର୍ଯ୍ୟାଳୟରେ ଶୁଭ-ଗୃହ ପ୍ରବେଶ କରାଗଲା।ଏହି ଅବସରରେ ଅଧିକାରୀ ଅନନ୍ତ ମହାପାତ୍ରଙ୍କ ପୌରହିତ୍ୟରେ ସାମୁହିକ ହନୁମାନ ଚାଳିଶା ପଠନ ସମସ୍ତ ଉପସ୍ଥିତ ସଭ୍ୟ ମାନଙ୍କ ଦ୍ଵାରା କରାଯାଇଥିଲା।ଆଗାମୀ ଦିନରେ ସଙ୍ଗଠନ ପକ୍ଷରୁ ହିନ୍ଦୁ ଧର୍ମର ପ୍ରଚାର ପ୍ରସାର ଓ ଗୋସେବା ଭଳି ଅନେକ କାର୍ଯ୍ୟକ୍ରମର ଦାୟିତ୍ୱ ନିଆଯିବ ବୋଲି ସହ-ସଂଯୋଜକ ଲୋକଜିତ ପରିଡା ସୂଚନା ଦେଇଥିଲେ।ଏହି ଶୁଭ ପ୍ରବେଶ ଅବସରରେ ଶ୍ରୀତମ କୁମାର ପ୍ରଧାନ, ତରୁଣ କୁମାର ସାହୁ, ସରୋଜ ଜେନା, ଶୁଭମ ଦଳବେହେରା, ପତିଶ ଦଳବେହେରା, ରାଜେନ୍ଦ୍ର କୁମାର ରାମ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗ କରିଥିଲେ ।
