ଢେଙ୍କାନାଳ,୧୫.୦୮(ଶୁଭମ ପାଣି):ଆଜି ଢେଙ୍କାନାଳ ଡାକ ମଣ୍ଡଳ ତରଫରୁ ଢେଙ୍କାନାଳ ଏବଂ ଅନୁଗୁଳ ଜିଲ୍ଲାର ସମସ୍ତ ଡାକଘରେ ୭୮ ତମ ସ୍ୱାଧୀନତା ଦିବସ ପାଳନ କରାଯାଇ ପତାକା ଉତ୍ତୋଳନ କରାଯାଇ ଅଛି । ଏହି ଅବସରରେ ଢେଙ୍କାନାଳ ପ୍ରଧାନ ଡାକଘର ପରିସରରେ ମଧ୍ୟ ସ୍ୱାଧୀନତା ଦିବସ ପାଳନ କରାଯାଇଥିଲା । ଏଠାରେ ଢେଙ୍କାନାଳ ଡାକ ମଣ୍ଡଳର ଅଧିକ୍ଷକ ଶ୍ରୀଯୁକ୍ତ ଜଗଦୀଶ ଦାଶ ପତାକା ଉତ୍ତୋଳନ କରିଥିଲେ । ଜାତୀୟ ସଂଗୀତ ଗାନ କରାଯିବା ସହିତ ସ୍ଳୋଗାନ ଦିଆଯାଇଥିଲା । ଏହା ସହିତ ଭାରତର ଯଶସ୍ୱୀ ପ୍ରଧାନମନ୍ତ୍ରୀ ଶ୍ରୀଯୁକ୍ତ ନରେନ୍ଦ୍ର ମୋଦୀ ଙ୍କ ଦ୍ଵାରା ଆରମ୍ଭ କରାଯାଇଥିବା ” ଏକ୍ ପେଡ୍ ମା କେ ନାମ୍ ” ଅଭିଯାନ ମାଧ୍ୟମରେ ସମସ୍ତ କର୍ମଚାରୀ ବୃକ୍ଷ ରୋପଣ କରିଥିଲେ । ଏହି କାର୍ଯ୍ୟକ୍ରମରେ ଢେଙ୍କାନାଳ ଡାକ ମଣ୍ଡଳର ଉପ-ଅଧିକ୍ଷକ ଶ୍ରୀଯୁକ୍ତ ନୀଳମଣି ଜାନୀ, ଅଫିସ ସୁପର୍ ଭାଇଜର ଶ୍ରୀଯୁକ୍ତ ବିଷ୍ଣୁ ପ୍ରସାଦ ନାଏକ, ଢେଙ୍କାନାଳ ଉପ-ଡାକ ମଣ୍ଡଳ ନିରୀକ୍ଷକ ଶ୍ରୀଯୁକ୍ତ ସଦାଶିବ ରାଉତ ଏବଂ ଢେଙ୍କାନାଳ ପ୍ରଧାନ ଡାକଘର ର ଡା଼କପାଳ ଶ୍ରୀଯୁକ୍ତ ସତ୍ୟବାଦୀ ଦାସ ଙ୍କ ସମେତ ଢେଙ୍କାନାଳ ଡାକ ଅଧିକ୍ଷକଙ୍କ କାର୍ଯ୍ୟାଳୟ ଏବଂ ପ୍ରଧାନ ଡାକଘର କାର୍ଯ୍ୟାଳୟର ସମସ୍ତ କର୍ମଚାରୀ ଉପସ୍ଥିତ ଥିଲେ ।
