ଆଠମଲ୍ଲିକ,୦୩.୦୫(ବୁଲୁ ଦଳେଇ):ଆଠମଲ୍ଲିକ ନିର୍ବାଚନ ମଣ୍ଡଳୀ ୬୩ର ବିଜେଡ଼ି ବିଧାୟକ ପ୍ରାର୍ଥୀ ଭାବେ ନଳିନୀ କାନ୍ତ ପ୍ରଧାନ ତାଙ୍କ ପ୍ରାର୍ଥୀ ପତ୍ର ଆଠମଲ୍ଲିକ ଉପ୍ ଜିଲ୍ଲାପାଳ କାର୍ଯ୍ୟାଳୟରେ ପହଞ୍ଚି ଚାରି ସେଟ୍ ପ୍ରାର୍ଥୀ ପତ୍ର ଦାଖଲ କରିଛନ୍ତି। ଉପଖଣ୍ଡ ନିର୍ବାଚନ ଅଧିକାରୀ ତଥା ଉପ ଜିଲ୍ଲାପାଳ ଡକ୍ଟର ଜିତେନ୍ଦ୍ର କୁମାର ପାତ୍ର ଏହାକୁ ଗ୍ରହଣ କରିବା ସହିତ କାଏମ ରଖିଥିବା ସୂଚନା ଦେଇଛନ୍ତି। ଏଠାରେ ସୂଚନା ଯୋଗ୍ୟ ଯେ ଗତକାଲି ଗୁରୁବାର ଦିନ ଶ୍ରୀ ପ୍ରଧାନ ସମର୍ଥକ ଶୁଭେଚ୍ଛୁ କର୍ମକର୍ତ୍ତା ଙ୍କୁ ନେଇ ବାଜା ବ!ଣ ରସଣୀ ରେ ଆଠମଲ୍ଲିକ ର ଅଧିଷ୍ଠାତ୍ରୀ ଦେବୀ ମା ମାହେଶ୍ୱରୀ ଦର୍ଶନ କରି ଉପ ଜିଲ୍ଲାପାଳଙ୍କ କାର୍ଯ୍ୟାଳରେ ପହଞ୍ଚିବା ପରେ କୌଣସି କାରଣରୁ ପ୍ରାର୍ଥୀ ପତ୍ର ଦାଖଲ ନ କରି ଫେରି ଯାଇଥିଲେ। ଏନେଇ ସାଧାରଣ ଗଣ ମାଧ୍ୟମରେ ଓ କର୍ମୀ ମହଲରେ ବିଭିନ୍ନ କଳ୍ପନା ଜଲ୍ପନା ପ୍ରକାଶ ପାଇଥିଲା କିନ୍ତୁ ତାର ଆଜି ଅନ୍ତ ଘଟିଛି ଓ ନଳିନୀ ପ୍ରଧାନ ତାଙ୍କର ଶହ ଶହ ସମର୍ଥକ ଗ୍ରହଣ ରେ ଆସି ନାମାଙ୍କନ ପତ୍ର ଦାଖଲ କରିଥିଲେ।
