ଆଠମଲ୍ଲିକ,୨୭.୦୪(ବୁଲୁ ଦଳେଇ): ଅନୁଗୁଳ ଜିଲ୍ଲା ଆଠମଲ୍ଲିକ ବିଧାନ ସଭା କ୍ଷେତ୍ର ର ସାତ କୋସିଆ ଅଂଚଳ ର ଅନ୍ତୁଳିଆ ଠାରେ ଶନିବାର ପୂର୍ବାହ୍ନରେ ବିଜେପି ପକ୍ଷରୁ ଏକ ବିରାଟ କର୍ମୀ ସମ୍ମିଳନୀ ଓ ମିଶ୍ରଣ ପର୍ବ ଅନୁଷ୍ଠିତ ହୋଇ ଯାଇଛି। ଏଥିରେ ସମ୍ବଲପୁର ଲୋକସଭା କ୍ଷେତ୍ର ର ସାଂସଦ ପ୍ରାର୍ଥୀ ତଥା କେନ୍ଦ୍ର ସରକାରଙ୍କ ଶିକ୍ଷା ବିଭାଗ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଯୋଗଦେଇ ଯୋଡ଼ି ଶଙ୍ଖ ବଡ ଦୁଃଖ, ଯୋଡ଼ି ପଦ୍ମ ଭାରି ଭଲ ବୋଲି ମନ୍ତବ୍ୟ ଦେଇ ବିରାଟ ଜନ ସଭାକୁ ସମ୍ବୋଧିତ କରିବା ସହ ତାଙ୍କ ପାଇଁ ଓ ଆଠମଲ୍ଲିକ ବିଧାୟକ ପ୍ରାର୍ଥୀ ସଞ୍ଜୀବ କୁମାର ସାହୁ ଙ୍କ ପାଇଁ ଭୋଟ ଭିକ୍ଷା କରିଥିଲେ। ଶ୍ରୀ ପ୍ରଧାନ ଆହୁରି କହିଥିଲେ ଯେ,24 ବର୍ଷ ର ନବୀନ ସରକାର ପାନୀୟ ଜଳ, ମେଡିକାଲ କୁ ଡାକ୍ତର, ସ୍କୁଲ୍ କୁ ଶିକ୍ଷକ ଓ ଜମିକୁ ଜଳ ଯୋଗାଇବାରେ ବିଫଳ ହୋଇଛନ୍ତି। ତେଣୁ ମୋଦୀ ଙ୍କ ନେତୃତ୍ୱରେ ଦେଶରେ ପରିବର୍ତ୍ତନ ର ଲହର ଚାଲିଛି। ତେଣୁ ସମସ୍ତେ ଆସନ୍ତୁ ବିଜେପି କୁ ଭୋଟ ଦେବା ଆଉ ଡବଲ ଇଞ୍ଜିନ ସରକାର କରିବା। ଏହି ଉତ୍ସବରେ ବିଜେପି ନେତା ତଥା ବର୍ତ୍ତମାନ ର ଆଠମଲ୍ଲିକ ବିଧାୟକ ରମେଶ ଚନ୍ଦ୍ର ସାୟ, ସଞ୍ଜୀବ କୁମାର ସାହୁ, ଅର୍ଜୁନ ସାହୁ, ଭକ୍ତି ପ୍ରସାଦ ଦାସ, ମୀରା ଗଡ ନାୟକ, ମହେଶ ଧଳ, ଅଲେଖ ଚନ୍ଦ୍ର ପ୍ରଧାନ, ଭବାନୀ ପ୍ରସାଦ ଜ୍ୟୋତିଷ ରାୟ, ବିଜେପି ର ଅନୁଗୁଳ ବିଧାୟକ ପ୍ରାର୍ଥୀ ନିଲୁ ପ୍ରଧାନ ଓ ଜିଲ୍ଲା ସଭାପତି ଡିଲେଶ୍ୱର୍ ପ୍ରଧାନ ପ୍ରମୁଖ ଉପସ୍ଥିତ ଥିଲେ। ବିଭିନ୍ନ ଦଳରୁ ଆସି ଶତାଧିକ କର୍ମୀ ବିଜେପିରେ ସାମିଲ ହୋଇଥିଲେ।
