ରାୟଗଡା,୨୫.୦୪(ଅମୁଲ୍ୟ ନିଶଙ୍କ): ରାୟଗଡା ଜ଼ିଲ୍ଲା ର ରାୟଗଡା ବିଧାନସଭା କ୍ଷେତ୍ର ପାଇଁ ବିଜେପି ର ବସନ୍ତ ଉଲାକା, ସ୍ୱାଧୀନ ପ୍ରାର୍ଥୀ ସୁଚିତ୍ରା ମାଝୀ,ଗୁଣୁପୁର ବିଧାନସଭା କ୍ଷେତ୍ର ପାଇଁ ରଘୁନାଥ ଗମାଙ୍ଗ(ବିଜେଡି), ତ୍ରିନାଥ ଗମାଙ୍ଗ(ବିଜେପି), ଶିବରାମ ମାମ୍ବାଲକା( ବହୁଜନ ସମାଜବାଦି ପାର୍ଟି) ପୂର୍ଣ୍ଣ ଚନ୍ଦ୍ର ଶବର(ନବ ଭାରତ ସେବା ପାର୍ଟି) ଓ ରବିଶଙ୍କର ଗମାଙ୍ଗ(ସ୍ୱଧୀନ) ପ୍ରାର୍ଥୀ ଭାବେ ନାମାଙ୍କନ ପତ୍ର ଦାଖଲ କରିଛନ୍ତି l ବିଷମକଟକ ବିଧାୟକ ପ୍ରାର୍ଥୀ ନିମନ୍ତେ କଂଗ୍ରେସ ରୁ ନୀଳମାଧବ ଉଲାକା ଙ୍କୁ ଦଳୀୟ ଟିକେଟ ନ ମିଳିବାରୁ ସୃଷ୍ଟି କଂଗ୍ରେସ ରୁ ପ୍ରାଥମିକ ସଭ୍ୟ ପାଦରୁ ଇସ୍ତଫା ଦେଇ ଗତ କାଲି ନିଜର ହଜାର ହଜାର ସାମର୍ଥକ ଙ୍କ ସହିତ ଏକ ବିରାଟ ଶୋଭାଯାତ୍ରା ରେ ଆସି ରାୟଗଡା ଜ଼ିଲ୍ଲାପାଳ ଙ୍କ କାର୍ଯ୍ୟାଳୟ ଠାରେ 139 ବିଷମକଟକ ବିଧାନସଭା ନିର୍ବାଚନ ମଣ୍ଡଳୀ ର ରିଟର୍ଣ୍ଣିଙ୍ଗ ଅଧିକାରୀ ଙ୍କ ଠାରେ ନିଜର ନାମାଙ୍କନ ପତ୍ର ଦାଖଲ କରିଥିଲେ l ଠିକ ସେହିପରି ଜଗନ୍ନାଥ ନୁଁଦୃକା, ବସନ୍ତ ଉଲାକା, ତ୍ରୀନାଥ ଗମାଙ୍ଗ ବିଜେପି ପକ୍ଷରୁ ନିଜ ନିଜ ନିର୍ବାଚନ କ୍ଷେତ୍ରରେ ଏକ ବିରାଟ ଶୋଭାଯାତ୍ରା ରର ବାହାରି ରିଟର୍ଣ୍ଣିଙ୍ଗ ଅଧିକାରୀ ଙ୍କ ଠାରେ ନାମାଙ୍କନ ଦାଖଲ କରିଥିଲେ l ଗୁଣୁପୁର ଠାରେ ବିଜେଡି ର ବିଧାୟକ ପ୍ରାର୍ଥୀ ରଘୁନାଥ ଗମାଙ୍ଗ ରାଜ୍ୟ ବିଜେଡି ସାଧାରଣ ସମ୍ପାଦକ ସୁଧୀର ଦାସ, ଜ଼ିଲ୍ଲା ବିଜେଡି ସଭାପତି ଭାସ୍କର ରାଓ ଙ୍କ ସହିତ ନିଜର ସମର୍ଥକ ଙ୍କ ସହିତ ଗୁଣୁପୁର ଉପଜ଼ିଲ୍ଲାପାଳ ଙ୍କ କାର୍ଯ୍ୟଳୟ ଠାରେ ନିଜର ନାମାଙ୍କନ ଦାଖଲ କରିଥିଲେ l ସେହିପରି ସି ପି ଆଇ (ଏମ ଏଲ ) ର ପ୍ରସ୍କା ରାମଚନ୍ଦ୍ର ମଧ୍ୟ୍ୟ ବିଷମକଟକ ବିଧାୟକ ପ୍ରାର୍ଥୀ ନିମନ୍ତେ ତ୍ରିପତି ଗମାଙ୍ଗ ଓ ନିଜର ସମର୍ଥକ ଙ୍କ ସହିତ ଆସି ନିଜର ନାମାଙ୍କନ ପତ୍ର ଦାଖଲ କରିଥିଲେ l
