ଢେଙ୍କାନାଳ,୧/୪(ଶୁଭମ ପାଣି) : ପବିତ୍ର ଉତ୍କଳ ଦିବସରେ ଶ୍ୟାମାଚରଣପୁର ଆଂଚଳିକ ବିକାଶ ସମିତି ତରଫରୁ ଦୁଇଜଣ ପୂର୍ବତନ ବରିଷ୍ଠ କର୍ମକର୍ତାଙ୍କୁ ସମ୍ମାନିତ କରାଗଲା । ବିକାଶ ସମିତିର ସଭାପତି ଯୋଗୀନାଥ ମହାନ୍ତି, ସମ୍ପାଦକ ପ୍ରସନ୍ନ କୁମାର ସାହୁ, ବରିଷ୍ଠ ସଭ୍ୟ ଅରୁଣ ମହାନ୍ତି, ପ୍ରଶାନ୍ତ ମିଶ୍ର ଓ ଅନ୍ୟ ସଭ୍ୟମାନେ ପୂର୍ବତନ ଦୁଇଜଣ ସମ୍ପାଦକ ଅବସରପ୍ରାପ୍ତ ପ୍ରଫେସର ରାମଚନ୍ଦ୍ର ଦାସ ଓ ବିଶିଷ୍ଟ ଶିକ୍ଷାବିତ୍ ଅବସରପ୍ରାପ୍ତ ଶିକ୍ଷା ବିଭାଗର ଅଧିକାରୀ ହୃଦାନନ୍ଦ ବରାଳଙ୍କ ବାସଭବନକୁ ଯାଇ ପବିତ୍ର ଉତ୍କଳ ଦିବସରେ ପୁଷ୍ପଗୁଚ୍ଛ ଓ ଉତରୀୟ ଦେଇ ସମ୍ମାନିତ କରିଥିଲେ ଏବଂ ପ୍ରଭୁ ଜଗନ୍ନାଥଙ୍କ ପାଖରେ ପ୍ରାର୍ଥନା କରିଥିଲେ ସେମାନେ ଶୀଘ୍ର ସୁସ୍ଥ ହୋଇ ଶ୍ୟାମାଚରଣପୁର ଆଂଚଳିକ ବିକାଶ ସମିତିକୁ ଆଗେଇ ନେବାରେ ମୁଖ୍ୟ ସ୍ରୋତରେ ସାମିଲ୍ ହେବା ପାଇଁ । ଏହି ଅବସରରେ ଶ୍ରୀଯୁକ୍ତ ଦାସ ଓ ଶ୍ରୀଯୁକ୍ତ ବରାଳ ତାଙ୍କର ବକ୍ତବ୍ୟରେ କହିଥିଲେ ଯେ, ସଭାପତି ଯୋଗୀନାଥ ମହାନ୍ତି ଓ ଅନ୍ୟ ସମସ୍ତ କର୍ମକର୍ତାମାନଙ୍କର କାର୍ଯ୍ୟ ଦକ୍ଷତା ଓ ବିକାଶ ସମିତିକୁ ଆଗେଇ ନେବାର ପ୍ରମୁଖ ଭୂମିକା ପାଇଁ ଅନ୍ତରରୁ ଆଶୀର୍ବାଦ ଓ ଧନ୍ୟବାଦ ଅର୍ପଣ କରିଥିଲେ ।
