ଢେଙ୍କାନାଳ,୧୭/୩(ଶୁଭମ ପାଣି): ସଦର ବ୍ଲକ୍ ଅନ୍ତର୍ଗତ କାଙ୍କଡପାଳ ଗ୍ରାମରେ ୨୪ତମ ଅଷ୍ଟପ୍ରହର ନାମଯଜ୍ଞ ଉଦଯାପିତ ହୋଇଯାଇଅଛି। ଗତ ୧୫ ତାରିଖରେ ଅଧୁବାସ ଆରମ୍ଭ ହୋଇ ୧୬ ତାରିଖରେ ଦିବା ଓ ଅହୋରାତ୍ର ଆଖପାଖ ଅଂଚଳର ୨୫ ଦଳ ସଂକୀର୍ତନ ମଣ୍ଡଳୀ ଦ୍ବାରା ନାମ ସଂକୀର୍ତନ ଅନୁଷ୍ଠିତ ହୋଇଥିଲା । ରାତ୍ରରେ ଶତାଧିକ ପ୍ରସାଦସେବନ କରିଥିଲେ । ୧୭ ତାରିଖରେ ବୈଠକ କୀର୍ତନ ସହିତ ନଗର ଭ୍ରମଣ, ଦହାଣ୍ଡି ଭଗ୍ନ ଓ ପ୍ରସାଦ ସେବନ ଅନୁଷ୍ଠିତ ହୋଇଥିଲା । ଭକ୍ତମାନଙ୍କ ପାଇଁ ପ୍ରସାଦସେବନର ବ୍ୟବସ୍ଥା ହୋଇଥିଲା । ପୂଜକ ଜଗନ୍ନାଥ ତ୍ରିପାଠୀ ସମସ୍ତ ପୂଜାକୁ ସୁଚାରୁ ରୂପେ ସମାପନ କରିଥିଲେ । ସଭାପତି ଭରତ ସାସମଲ୍, ଉପସଭାପତି ମାନଗୋବିନ୍ଦ ସାହୁ, କୋଷାଧ୍ୟକ୍ଷ ସନ୍ତୋଷ ପରିଡାଙ୍କ ସମେତ କର୍ମକର୍ତା କୋଦଣ୍ଡ ପରିଡା, ବିକ୍ରମ ପରିଡା, ହୃଦାନନ୍ଦ ସାସମଲ, ବିଭୁତି ସାସମଲ, ସନ୍ତୋଷ ସାସମଲ, କାର୍ତିକ ସାସମଲ, ଗୁରୁବାରିଆ ଷେଣ୍ଢ, ଲିପୁନୁ ସାସମଲ, ପ୍ରଦୀପ ସାସମଲ, ଲମ୍ବୋଦର ପ୍ରଧାନ, ଗଗନ ବିହାରୀ ସାହୁ, ଅନିଲ୍ ପରିଡା, ଗୋବିନ୍ଦ ପରିଡା, ବୁଦ୍ଧଦେବ ସାସମଲ ଓ ଗ୍ରାମବାସୀମାନେ ସହଯୋଗ କରିଥିଲେ ।
