ବାଲିଗୁଡା:(ସଞ୍ଜୟ କୁମାର ପାଣିଗ୍ରାହୀ): ଓଡିଶା ବନ ଉନ୍ନୟନ ନିଗମ ଲିମିଟେଡ଼ ପକ୍ଷରୁ ବ୍ୟବସାୟିକ ଦାୟିତ୍ୱବୋଧ ସାମାଜିକ କାର୍ଯ୍ୟକ୍ରମ ଜରିଆରେ କନ୍ଧମାଳ ଜିଲ୍ଲା ବାଲିଗୁଡା ଉପଖଣ୍ଡ ଅନ୍ତର୍ଗତ କୋଟଗଡ ବ୍ଲକର ବଣ୍ଡାପିପିଲିରେ ମାଗଣା ସ୍ୱାସ୍ଥ୍ୟ ଶିବିର ଆୟୋଜିତ ହୋଇ ଯାଇଛି | ଏହି ଶିବିରରେ ପଣ୍ଡାଇର୍ପି, ବାଡ଼ିପଙ୍ଗା, ଡିମୁଲି, ରିଟାବାଲି, ମୁଣ୍ଡାସାହି, ଲାସେରୀ ଓ ଭାଲୁଗୁଡା ର ଶତାଧିକ ଜନସାଧାରଣ ଯୋଗଦେଇ ମାଗଣା ସ୍ୱାସ୍ଥ୍ୟ ପରୀକ୍ଷା କରିବା ସହ ମାଗଣା ଔଷଧ ପାଇଥିଲେ | ଏହି ଶିବିରରେ ଓଏଫଡିସି ଲିଃ ର ବାଲିଗୁଡା ଉପଖଣ୍ଡ ମ୍ୟାନେଜର ପ୍ରସନ୍ନ କୁମାର ପାତ୍ର, ଓଏଫଡିସି ଲିଃ.ର ପରିଦର୍ଶକ ଆଦିକନ୍ଦ ବିଶ୍ୱାଳ ଏବଂ ପଦ୍ମଚରଣ କନ୍ଧଙ୍କ ତତ୍ୱାବଧାନରେ ଫାର୍ମାସିଷ୍ଟ, ଡ଼ଃ ଅଶୋକ କୁମାର ସାମଲ, ଲୋକନାଥ ପ୍ରଧାନ, ହୃଷିକେଶ ଘଡେଇ ପ୍ରମୁଖ ଉପସ୍ଥିତ ରହି ଚିକିତ୍ସା ପ୍ରଦାନ କରିଥିଲେ |
