ଢେଙ୍କାନାଳ, ୨୮/୧୨: ଶ୍ରୀଅରବିନ୍ଦ ପୂର୍ଣାଙ୍ଗ ଶିକ୍ଷାକେନ୍ଦ୍ରରେ ଜିଜ୍ଞାସା କର୍ମଶାଳା ଶିବିରର ଉଦ୍ଯାପନୀ ଉତ୍ସବ ପାଳିତ ହୋଇଯାଇଅଛି । ୪ ଦିନ ଧରି ସତାଧିକ ପିଲାମାନେ ବିଭିନ୍ନ କାର୍ଯ୍ୟକ୍ରମରେ ଯୋଗଦେଇଥିଲେ । ପ୍ରଥମ ଦିନ ପିଲାମାନେ ପରିଚିତ ହେବା ସହ ବିଜ୍ଞାନ କେନ୍ଦ୍ର ପରିଭ୍ରମଣ କରିଥିଲେ । ଦ୍ଵିତୀୟ ଦିନ ପାହାଡ ଚଢା ସହ ହସ୍ତକର୍ମ ଓ ଚିତ୍ରାଙ୍କନ ପ୍ରତିଯୋଗିତା ହୋଇଥିଲା । ତୃତୀୟ ଦିନରେ ଆରକ୍ଷୀ ଅଧିକ୍ଷକ ଜ୍ଞାନରଞ୍ଜନ ମହାପାତ୍ରଙ୍କ ଦ୍ୱାରା ମିନି ମାରାଥନ କରାଯାଇ ଶୋଭାଯାତ୍ରା କରାଯାଇଥିଲା । ଉଦ୍ଯାପନୀ ଉତ୍ସବରେ ସାଂସ୍କୃତିକ କାର୍ଯ୍ୟକ୍ରମ ଆରମ୍ଭ ହୋଇଥିଲା ମୁଖ୍ୟ ଅତିଥି ବରପାଳ ତହସିଲଦାର ସୁଶାନ୍ତ ମିଶ୍ର ମୁଖ୍ୟ ଅତିଥି, ପାରିଷଦ ସନ୍ଦୀପ କୁମାର ଷଡଙ୍ଗୀ ଓ ଅଧ୍ଯକ୍ଷ ଅଜୟ କୁମାର ବଳ ସମ୍ମାନିତ ଅତିଥି ଭାବେ ଯୋଗଦେଇ କ୍ୟାମ୍ପ ଫାୟାର୍ ସହ କର୍ମଶିବିର ଉଦ୍ଯାପନ କରିଥିଲେ । ଅତିଥି ମାନଙ୍କୁ ଫୁଲ ତୋଡା ଓ ଉତରୀୟ ଦେଇ ସମ୍ବର୍ଦ୍ଧନା କରାଯାଇଥିଲା । ଏହି ଉଦ୍ଯାପନୀ ଉତ୍ସବରେ ‘ଜିଜ୍ଞାସାର ଘର’ ନାମରେ ମାଗାଜିନ୍ର ଉନ୍ମୋଚନ କରାଯାଇଥିଲା I ଜିଜ୍ଞାସା କର୍ମଶାଳାର ପ୍ରତିଯୋଗିତାରେ କୃତକାର୍ଯ୍ୟ ପିଲାମାନଙ୍କୁ ଅତିଥ୍ଙ୍କ ଦ୍ବାରା ମେଡାଲ୍ ଓ ପୁରସ୍କାର ବିତରଣ କରାଯାଇଥିଲା । ପୁରାତନ ଛାତ୍ରଛାତ୍ରୀମାନଙ୍କୁ ଧନ୍ୟବାଦ ଜଣାଇ କାର୍ଯ୍ୟକ୍ରମ ଶେଷ କରାଯାଇଥିଲା ।
